Latest News

തിമിരയിൽ 2011 ൽ ബി ജെ പി പ്രവർത്തകരെ ബോംബെറിഞ്ഞ് കൊല്ലാൻ ശ്രമിച്ചു എന്ന കേസിൽ, സിപിഎം പ്രവർത്തകരെ തടവിനു ശിക്ഷിച്ച തളിപ്പറമ്പ സെഷൻസ് കോടതി വിധിക്ക് ഹൈക്കോടതി സ്റ്റേ. പ്രതികൾക്ക് ജാമ്യം അനുവദിക്കുകയും ചെയ്തു. കണ്ണൂർ സെൻട്രൽ ജയിലിൽ തടവ് ശിക്ഷ അനുഭവിക്കുന്ന സിപിഎം മുൻ ആലക്കോട് ഏരിയ സെക്രട്ടറിയും ആലക്കോട് പഞ്ചായത്ത് അംഗവുമായ, പി വി ബാബുരാജ് , ഏരിയ കമ്മിറ്റി അംഗവും തടിക്കടവ് സർവീസ് സഹകരണ ബാങ്ക് പ്രസിഡന്റുമായ എം കെ പ്രതീപ് […]

കണ്ണൂർ : മാധ്യമപ്രവർത്തകൻ വിക്‌ടർ ജോസഫ് (42) അന്തരിച്ചു. അസുഖബാധിതനായി പരിയാരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയായിരുന്നു മരണം. ഇന്ത്യ വിഷൻ, മനോരമ ന്യൂസ്, ഏഷ്യാനെറ്റ് ന്യൂസ്, അമൃത ടിവി, ജയ്ഹിന്ദ് തുടങ്ങിയ മാധ്യമ സ്ഥാപനങ്ങളിൽ ജോലി ചെയ്തിട്ടുണ്ട്. ഇന്ത്യൻ വോളി താരം മനു ജോസഫ് സഹോദരനാണ്. സംസ്കാരം നാളെ പയ്യാവൂരിൽ. മൃതദേഹം ഇന്ന് വീട്ടിലെത്തിക്കും. വെള്ളി പകൽ 9.30ഓടെ സംസ്‌കാര ചടങ്ങുകൾ ആരംഭിക്കും. തുടർന്ന് പൈസക്കരി ദേവമാതാ ഫൊറോന പള്ളിയിൽ സംസ്‌കരിക്കും.

കണ്ണൂർ: പാനൂരിൽ സ്ഫോടക വസ്‌തു പൊട്ടി 11 വയസുകാരന് പരിക്കേറ്റ സംഭവത്തിൽ ദുരൂഹത നീക്കി പൊലീസ്. കുട്ടികളോടൊപ്പം കളിക്കുന്നതിനിടെ അബദ്ധത്തിൽ സംഭവിച്ചതാണെന്നാണ് പൊലീസ് വിശദീകരണം. കർട്ടൻ പൈപ്പിന്റെ സ്റ്റീൽ ബോൾ ഉപയോഗിച്ച് സ്ഫോടകവസ്‌തു നിർമിക്കാൻ ശ്രമിച്ചതാണ് അപകടത്തിനിടയാക്കിയതെന്ന് പൊലീസ് വ്യക്തമാക്കി. ഓലപ്പടക്കം അഴിച്ച് വെടിമരുന്ന് സ്റ്റീൽ ബോളിൽ നിറച്ച് തീ കൊളുത്തിയപ്പോഴാണ് അപകടമുണ്ടായത്. വെടിമരുന്ന് സ്റ്റീൽ ഡബ്ബയിൽ നിറച്ച് കളിക്കുന്നതിനിടെയായിരുന്നു കുട്ടിക്ക് പരിക്കേറ്റത്. സ്ഫോടനത്തിൽ പതിമൂന്നുകാരൻ്റെ വിരൽ അറ്റ് പോയിരുന്നു. കുട്ടി പൊലീസിന് മൊഴി നൽകിയതോടെയാണ് സംഭവത്തിലെ

പരിയാരം മെഡിക്കല്‍ കോളേജിനടുത്ത് സര്‍വ്വീസ് റോഡരികിലെ രാമചന്ദ്രന്‍ സി വി എന്നിവരുടെ ഉടമസ്ഥതയിലുള്ള പെട്ടിക്കടയാണ് തീപിടിച്ച് കത്തിയത്. പുലര്‍ച്ചെ നാലരയോട് കൂടിയാണ് കടക്ക് തീ പിടിച്ചത്.ഉടന്‍ പരിയാരം പോലീസ് പയ്യന്നൂര്‍ ഫയര്‍ഫോഴ്‌സിനെ അറിയിക്കുകയും ഒരു യൂണിറ്റ് ഫയര്‍ എന്‍ജിന്‍ സ്ഥലത്ത് എത്തി തീ അണച്ചു. തീ പിടുത്തത്തിന്റെ കാരണം വ്യക്തമല്ല. സമീപത്തായി ലോട്ടറി വില്പന ബോക്‌സിനും കേടുപാട് പറ്റി. സീനിയര്‍ ഫയര്‍ ആന്റ് ഓഫീസര്‍ എന്‍ മുരളിയുടെ നേതൃത്വത്തില്‍ ജീവനക്കാരായ കെ വി വിപിന്‍ , ജിനോ

കൊച്ചി: ലൈംഗിക അതിക്രമ കേസിൽ പ്രതിയായ ചലച്ചിത്ര സംവിധായകൻ രഞ്ജിത്ത് ജാമ്യവ്യവസ്ഥകളിൽ ഇളവ് തേടി കോടതിയെ സമീപിച്ചു. തന്റെ ആരോഗ്യസ്ഥിതി മോശമാണെന്ന് ചൂണ്ടിക്കാട്ടിയാണ് രഞ്ജിത്ത് എറണാകുളം പ്രിൻസിപ്പൽ സെഷൻസ് കോടതിയിൽ അപേക്ഷ നൽകിയിരിക്കുന്നത്. നിലവിലെ ജാമ്യവ്യവസ്ഥ പ്രകാരം അന്വേഷണ ഉദ്യോഗസ്ഥന്റെ അനുമതിയില്ലാതെ ജില്ല വിട്ടുപോകാൻ പാടില്ലെന്ന കർശന നിർദ്ദേശമുണ്ട്. എന്നാൽ, വിദഗ്ദ്ധ ചികിത്സയ്ക്കായി ജില്ലയ്ക്ക് പുറത്തേക്ക് പോകേണ്ടതുണ്ടെന്നും അതിനാൽ ഈ നിബന്ധനയിൽ ഇളവ് അനുവദിക്കണമെന്നുമാണ് അദ്ദേഹത്തിന്റെ ആവശ്യം.

പിലാത്തറയിൽ ബൈക്കും സ്‌കൂട്ടിയും കൂട്ടിയിടിച്ച് മണിയറ സ്വദേശി കെ പി അജ്‌നാസ് (19) മരണപ്പെട്ടു. പിലാത്തറ ഭാഗത്ത് നിന്ന് മാതമംഗലത്തേക്ക് പോകുകയായിരുന്ന അജ്‌നാസ് ഓടിച്ച സ്‌കൂട്ടി മാതമംഗലം ഭാഗത്ത് നിന്നും വരികയായിരുന്ന ബൈക്കുമായി കൂട്ടിയിടിക്കുകയായിരുന്നു. ബൈക്ക് യാത്രികനായ കണ്ടോന്താർ സ്വദേശി മോഹനന് (54) പരിക്കേറ്റു. ഇയാൾ കണ്ണൂർ ഗവ മെഡിക്കൽ കോളേജിൽ ചികിൽസയിലാണ്. അജ്നാസിന്റെ പിതാവ് എം കെ ഗഫൂർ (മർവ്വ ട്രാവൽസ് പിലാത്തറ). മാതാവ് : കെ പി റുബൈല. സഹോദരങ്ങൾ: റബിയ, അഫ്‌നാൻ. മൃതദേഹം

അടിമാലി താലൂക്കാശുപത്രിയിലെ അത്യാഹിത വിഭാഗത്തോട് അനുബന്ധിച്ചുള്ള മുറിയിൽ രോഗിക്കു ചികിത്സ നൽകുന്നതിനിടെ ഡ്രസിങ് ടേബിൾ (കട്ടിൽ) തകർന്നു. ഡോക്‌ടറും ഒപ്പമുണ്ടായിരുന്ന ജീവനക്കാരനും ചേർന്നു രോഗിയെ നിലത്തുവീഴാതെ താങ്ങിപ്പിടിച്ചു. ബൈസൺവാലി ഇരുപതേക്കറിൽ സ്വദേശി വനരാജ് (52) ആണു കട്ടിലൊടിഞ്ഞു നിലത്തുവീണത്. കയ്യിലെ മുറിവിനു ചികിത്സ തേടി ആശുപത്രിയിൽ എത്തിയതായിരുന്നു. സർജൻ ഡോ. ടിറ്റി മാത്യു രോഗിയെ അത്യാഹിത വിഭാഗം ഡ്രസിങ് റൂമിലെ കട്ടിലിൽ കിടത്തി ചികിത്സിക്കുന്നതിനിടെയാണ് അപകടം. മടക്കാൻ കഴിയുന്ന കട്ടിലിന്റെ ഒരു ഭാഗം വിട്ടുപോവുകയായിരുന്നു.

കണ്ണൂർ: കുഞ്ഞിമംഗലം – കണ്ടംകുളങ്ങര തീരദേശ റോഡിൽ വൻ തീപിടുത്തം. ഇന്ന് ഉച്ചയോടെയാണ് ജനവാസ മേഖലയ്ക്ക് സമീപമുള്ള പറമ്പിലും കുറ്റിക്കാടുകളിലും തീ പടർന്നുപിടിച്ചത്. ഉണങ്ങിനിൽക്കുന്ന പുല്ലും ശക്തമായ കാറ്റും കാരണം നിമിഷനേരങ്ങൾക്കുള്ളിൽ തീ റോഡരികിലെ വലിയൊരു ഭാഗത്തേക്ക് വ്യാപിക്കുകയായിരുന്നു.

തിരുവനന്തപുരം: സംസ്ഥാനത്ത് വരുന്ന അഞ്ച് ദിവസത്തേക്ക് വേനൽ മഴ ശക്തമാകും. ഇന്ന് എറണാകുളം, തൃശൂർ ജില്ലകളിൽ യെല്ലോ അലർട്ട് പ്രഖ്യാപിച്ചു. നാളെ നാല് ജില്ലകളിലും മഴ മുന്നറിയിപ്പ് ഉണ്ട്. ഈ ജില്ലകളിൽ ഒറ്റപ്പെട്ട ശക്തമായ മഴക്കാണ് സാദ്ധ്യതയുള്ളത്.24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിച്ചേക്കും. മഴയ്ക്കൊപ്പം ഇടിമിന്നലിനും ശക്തമായ കാറ്റിനും സാദ്ധ്യതയുള്ളതിനാൽ ജാഗ്രത പാലിക്കാൻ കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്.

കാസർകോട്: നീലേശ്വരം, പൊലീസ് സ്റ്റേഷൻ പരിധിയിലെ കരിന്തളം, കാലിച്ചാമരത്ത് വീട്ടിൽ വൻ കവർച്ച .വീടിന്റെ വാതിൽ പൊളിച്ച് അകത്തു കടന്ന മോഷ്ടാക്കൾ അലമാരയിൽ സൂക്ഷിച്ചിരുന്ന അഞ്ചര പവൻ സ്വർണ്ണവും 40,000രൂപയും കവർച്ച ചെയ്തു. മീർക്കാനം തട്ടിലെ ജോർജ്ജ് സെബാസ്റ്റിയൻ്റെ വീട്ടിലാണ് കവർച്ച നടന്നത്. നീലേശ്വരം പൊലീസ് കേസെടുത്ത് അന്വേഷണം ആരംഭിച്ചു.