കംപ്യൂട്ടറുകൾ കിട്ടാനില്ലാതെ വന്നതോടെ മോട്ടോർ വാഹന വകുപ്പ് കടുംപിടുത്തം ഉപേക്ഷിക്കുകയാണ്. ഇനി ഡ്രൈവിങ് ലൈസൻസ് എടുക്കുന്നതിന് മുന്നോടിയായുള്ള ലേണേഴ്‌സ്‌ പരീക്ഷ നമ്മുടെ സ്വന്തം മൊബൈലിലും എഴുതാം. പക്ഷെ വീട്ടിലിരുന്ന് മൊബൈലിൽ എഴുതാൻ പറ്റില്ല. മോട്ടോർ വാഹന വകുപ്പ് പരീക്ഷ നടത്തുന്ന സെന്ററിൽ തന്നെ പോകണം.ഡ്രൈവിങ് ടെസ്‌റ്റിനുള്ള അപേക്ഷകൾ കെട്ടിക്കിടക്കുന്നത് കൂടിയതോടെ ടെസ്റ്റുകളുടെയെണ്ണം കൂട്ടാൻ ഗതാഗത വകുപ്പ് തീരുമാനിച്ചു. ഒരു ദിവസം അമ്പത് ടെസ്‌റ്റ് വീതം ഒരു കേന്ദ്രത്തിൽ ഇനി നടത്തും. നിലവിൽ 30 എണ്ണമായിരുന്നു. ആഴ്ചയിൽ അഞ്ച് […]

തിരുവനന്തപുരം ഓണത്തോടനുബന്ധിച്ച് എഎവൈ വിഭാഗം റേഷൻ കാർഡ് ഉടമകൾക്കും (മഞ്ഞ കാർഡ്) ക്ഷേമ സ്‌ഥാപനങ്ങളിലെ അന്തേവാസികൾക്കുമുള്ള സൗജന്യ ഓണക്കിറ്റ് വിതരണം ഓഗസ്‌റ്റ് 10 ന് ആരംഭിക്കുമെന്ന് ഭക്ഷ്യമന്ത്രി അനൂപ് ജേക്കബ്. ഉത്രാടം ദിനമായ ഓഗസ്റ്റ് 25 നകം വിതരണം പൂർത്തിയാക്കും. 2026 ജൂണിലെ കണക്കുപ്രകാരം ആകെ 6,09,305 കിറ്റുകളാണ് വേണ്ടത്. തുണി സഞ്ചി ഉൾപ്പെടെ 16 ഇനം ഉൽപന്നങ്ങൾ അടങ്ങിയ കിറ്റ് ഒന്നിന് ഉദ്ദേശ്യം 854 രൂപയാണു ചെലവ് കണക്കാക്കുന്നത്. ഇതിനായി 53 കോടി രൂപ സർക്കാർ

കണ്ണൂർ: അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ മരണത്തിൽ മുഖ്യപ്രതി ഡോ. എം കെ റാം കസ്റ്റഡിയിൽ. അഞ്ച് ദിവസത്തേക്കാണ് പ്രതിയെ തലശ്ശേരി സെഷൻസ് കോടതി കസ്റ്റഡിയിൽ വിട്ടത്. പുതുതായി രൂപീകരിച്ച ക്രൈംബ്രാഞ്ച് ആണ് കേസ് അന്വേഷിക്കുന്നത്. റാമിനെ അന്വേഷണ സംഘം വിശദമായി ചോദ്യം ചെയ്യും. ആഗസ്റ്റ് ഒന്നിന് പ്രതിയെ കോടതിയിൽ ഹാജരാക്കണം. കണ്ണൂർ ഡെന്റർ കോളേജിലും സംഭവസ്ഥലങ്ങളിലും റാമിനെ എത്തിച്ച് തെളിവെടുപ്പ് നടത്താനും അന്വേഷണസംഘത്തിന് പദ്ധതിയുണ്ട്. റാമിനെ അറസ്റ്റ് ചെയ്‌ത നടപടിയിലെ നിയമപരമായ വീഴ്ച‌കളിൽ

മട്ടന്നൂർ കണ്ണൂർ വിമാനത്താവളത്തിന്റെ ലൈറ്റനിങ് ഏരിയയ്ക്കുവേണ്ടി സ്‌ഥലം ഏറ്റെടുക്കുന്ന കല്ലേരിക്കര പാറപ്പൊയിലിലെ 5 കുടുംബങ്ങൾ ദുരിതത്തിൽ. ഏറ്റെടുക്കുന്ന സ്‌ഥലത്തെ ഒരു വീടിനു സർക്കാർ കണക്കാക്കിയ വില 63,000 രൂപ. കാലപ്പഴക്കത്തിൻ്റെ പേരിൽ വീടിനു 10 ലക്ഷം രൂപ വിലകുറച്ചുവെന്ന് ഉടമകൾ പറയുന്നു. ഒരേ ഭൂമിയിൽ മുൻപ് ഏറ്റെടുത്തപ്പോൾ നൽകിയ പണവും ഇപ്പോൾ ഏറ്റെടുക്കുന്നതിനു കണക്കാക്കിയ തുകയും തമ്മിൽ മൂന്നര ലക്ഷത്തോളം രൂപയുടെ വ്യത്യാസമുണ്ട്. ഏക ആശ്രയമായ വീടും ഭൂമിയും വിമാനത്താവളത്തിനു വിട്ടുനൽകുന്ന കുടുംബത്തിന് ലഭ്യമാവുക നാമമാത്രമായ തുക.

ന്യൂഡൽഹി: ജന്തർ മന്തറിലെ സിജെപി പ്രതിഷേധത്തിനെതിരായ നടപടിയിൽ പൊലീസിന് സുപ്രീംകോടതിയുടെ രൂക്ഷവിമർശനം. സമാധാനപരമായ പ്രതിഷേധത്തിന് പൗരന് അവകാശമുണ്ടെന്ന് ചീഫ് ജസ്റ്റിസ് ചൂണ്ടിക്കാട്ടി. പ്രതിഷേധിക്കാനുള്ള അവകാശത്തെ നിഷേധിക്കാനാവില്ലെന്നും പൊലീസിന്റെ അമിതാധികാരം ന്യായീകരിക്കാനാവില്ലെന്നും കോടതി വ്യക്തമാക്കി. സാമൂഹിക വിരുദ്ധർ ഉണ്ടെങ്കിൽ പൊലീസ് ശ്രദ്ധിക്കണം. പ്രക്ഷോഭം ഉണ്ടെന്നുകരുതി ലാത്തിചാർജ് ചെയ്യണമെന്നില്ല. പൊലീസ് സ്വയം അച്ചടക്കം പാലിക്കേണ്ടത് അനിവാര്യമാണെന്നും സുപ്രീംകോടതി വ്യക്തമാക്കി. ജന്തർ മന്തറിൽ വിദ്യാർത്ഥികൾക്കെതിരെ നടന്ന പൊലീസ് അതിക്രമത്തെ ചോദ്യം ചെയ്തുള്ള ഹർജിയിലാണ് സുപ്രീംകോടതിയുടെ നടപടി. സമാധാനപരമായി നടത്തിയ മാർച്ചിന് നേരെ

രണ്ടാഴ്ച നീണ്ടുനിന്ന പരസ്പര ആക്രമണങ്ങള്‍ക്ക് ശേഷം അമേരിക്കയും ഇറാനും വ്യോമാക്രമണങ്ങള്‍ താല്‍ക്കാലികമായി നിര്‍ത്തിവെച്ചതോടെ ആഗോള വിപണിയില്‍ ക്രൂഡ് ഓയില്‍ വിലയില്‍ വന്‍ ഇടിവ്. സംഘര്‍ഷം അയയുന്നതിനും ഹോര്‍മൂസ് കടലിടുക്കിലൂടെയുള്ള കപ്പല്‍ ഗതാഗതം പുനരാരംഭിക്കുന്നതിനും നയതന്ത്ര പരിഹാരം സഹായിക്കുമെന്ന പ്രതീക്ഷയിലാണ് വിപണി. തിങ്കളാഴ്ച വ്യാപാരത്തിന്റെ തുടക്കത്തില്‍ അന്താരാഷ്ട്ര വിപണിയില്‍ ബ്രെന്റ് ക്രൂഡ് (Brent crude) വില ബാരലിന് 4.1 ശതമാനം (3.96 ഡോളര്‍) കുറഞ്ഞ് 92.82 ഡോളറിലെത്തി. വ്യാപാരത്തിനിടെ ഒരു ഘട്ടത്തില്‍ വില 90 ഡോളറിന് താഴേക്ക് പോലും

രാജ്യത്ത് വീണ്ടും നീറ്റ് പരീക്ഷാർഥി ജീവനൊടുക്കി. മഹാരാഷ്ട്രയിലെ അഹല്യനഗറിലാണ് അങ്കിത സാംഗ്ലൈ എന്ന വിദ്യാർഥി ആത്മഹത്യ ചെയ്തത്. പരീക്ഷയിൽ യോഗ്യത നേടാത്തതിൽ പെൺകുട്ടി വലിയ സമ്മർദ്ദത്തിൽ ആയിരുന്നു എന്ന് കുടുംബം പറയുന്നു. വൈകാരികമായ ആത്മഹത്യ കുറിപ്പ് കണ്ടെടുത്തു. പ്രവേശന പരീക്ഷയിൽ വെറും 166 മാർക്ക് മാത്രമേ വിദ്യാർഥിക്ക് ലഭിച്ചിരുന്നുള്ളൂ. രക്ഷിതാക്കൾ എല്ലാം ത്യജിച്ചു പക്ഷേ താൻ പരാജയപ്പെട്ടു എന്ന് കുറിപ്പിൽ പറയുന്നു. നിങ്ങൾ എനിക്ക് അത്രയേറെ സ്നേഹം നൽകി, പക്ഷേ നിങ്ങളുടെ ഒരൊറ്റ ആഗ്രഹം പോലും നിറവേറ്റാൻ

അധ്യാപകരെ ഇടനിലക്കാരാക്കിയുള്ള ലഹരി വ്യാപാരം കഴിഞ്ഞ മാസം 28ന് വടകര സ്വദേശിയെ പിടിയിലായതോടെയാണ് പുറത്ത് വന്നത്. ഈ കേസിലെ അന്വേഷണമാണ് അധ്യാപികമാരിലേക്ക് എത്തിയത്.കോഴിക്കോട് വടകരയിൽ ലഹരിമരുന്ന് കേസിൽ അധ്യാപികമാർ പിടിയിലായ സംഭവത്തിൽ രണ്ടാമത്തെ അധ്യാപികയേയും പുറത്താക്കി. വടകര എംഡിഎംഎ കേസിൽ പേരാമ്പ്ര ബിആർസി സ്പെഷ്യൽ എജ്യുക്കേറ്റർ കാവ്യയേയും പുറത്താക്കി. കൂരാച്ചുണ്ട് സ്വദേശിയാണ് കാവ്യ. പേരാമ്പ്ര ബ്ലോക്ക് റിസോഴ്സ് കേന്ദ്രത്തിലെ സ്പെഷ്യലിസ്റ്റ് കായിക അധ്യാപികയായ കീർത്തനയെ അറസ്റ്റിന് പിന്നാലെ തന്നെ വിദ്യാഭ്യാസ വകുപ്പ് പിരിച്ചുവിട്ടിരുന്നു. മയക്കുമരുന്ന് വാങ്ങുന്നവർ കാവ്യയുടെ

കൊച്ചി: ഡ്രൈവിംഗ് ടെസ്റ്റുകൾ വൈകുന്നത് മൂലമുള്ള പ്രതിസന്ധി പരിഹരിക്കുന്നതിനായി മോട്ടോർ വാഹന വകുപ്പ് ഇറക്കിയ സർക്കുലർ സ്വാഗതം ചെയ്ത് ഡ്രൈവിംഗ് സ്ക്‌കൂൾ ഉടമകൾ. ഉത്തരവ് നിലവിൽ വരുന്നതിലൂടെ ലൈസൻസ് ലഭിക്കുന്നതിനായുള്ള കാലതാമസം മാറുമെന്ന്നാണ് പ്രതീക്ഷിക്കുന്നതെന്ന് ഡ്രൈവിംഗ് സ്കൂൾ ഉടമകൾ  പ്രതികരിച്ചു. വലിയ രീതിയിലുള്ള മാറ്റമാണ് പ്രതിസന്ധി പരിഹരിക്കാനായി മോട്ടോർ വാഹന വകുപ്പ് സർക്കുലറിലൂടെ മുന്നോട്ട് വച്ചിട്ടുള്ളത്. പ്രതിദിന ഡ്രൈവിങ് ടെസ്റ്റുകളുടെ എണ്ണം നാൽപതിൽ നിന്ന് അൻപതാക്കി ഉയർത്തി.നേരത്തെ ഇത് 40 ആയിരുന്നു ദിവസവും 28 പുതിയ അപേക്ഷകളിൽ

കേരളത്തിൽ വിവിധ ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ച് കേന്ദ്ര കാലാവസ്ഥ വകുപ്പ്. മലപ്പുറം, കോഴിക്കോട്, വയനാട്, കണ്ണൂർ, കാസർക്കോട് എന്നിവിടങ്ങളിലാണ് യെല്ലോ അലർട്ട് പ്രഖ്യാപിച്ചത്. നാളെ എറണാകുളം, തൃശൂർ,മലപ്പുറം,കോഴിക്കോട്, കണ്ണൂർ, കാസർക്കോട് എന്നിവിടങ്ങളിലും, 29ന് പത്തനംതിട്ട, കോട്ടയം, എറണാകുളം,ഇടുക്കി, കോഴിക്കോട്, കണ്ണൂർ, കാസർഗോഡ് എന്നിവിടങ്ങളിലും, 30ന് പത്തനംതിട്ട, കോട്ടയം, എറണാകുളം, ഇടുക്കി,മലപ്പുറം, കോഴിക്കോട്, വയനാട്, കണ്ണൂർ കാസർഗോഡ് എന്നിവിടങ്ങളിലും, 31ന് കോഴിക്കോട്, കണ്ണൂർ, കാസർഗോഡ് എന്നിവിടങ്ങളിലുമാണ് യെല്ലോ അലർട്ട് പ്രഖ്യാപിച്ചത്.