ഏപ്രില് 28ന് നാളെ അഞ്ചരക്കണ്ടി കണ്ണൂര് മെഡിക്കല് കോളേജിലെ ഒന്നാം വര്ഷ ബിഡി എസ് വിദ്യാര്ത്ഥിനിതിന് രാജിന്റെ മരണത്തില് പ്രതിഷേധിച്ച് ദളിത് സംഘടനകള് ഉള്പെടെയുള്ള ആക്ഷന് കൗണ്സില് നടത്തുന്ന സംസ്ഥാന ഹര്ത്താലില് വാഹനങ്ങള് തടയില്ലെന്ന് ഭാരവാഹികള് അറിയിച്ചു എന്നാല് സ്വകാര്യ വാഹനങ്ങള് ഉള്പ്പെടെ റോഡിലിറക്കാതെ പൊതുജനങ്ങള് ഹര്ത്താലുമായി സഹകരിക്കണമെന്ന് ആക്ഷന് കമ്മിറ്റി ഭാരവാഹികള് അറിയിച്ചു.
ദളിത് സംഘടനകളും എസ് യു സി ഐ , എസ്ഡിപിഐ, വെല്ഫെയര് പാര്ട്ടി തുടങ്ങിയ സംഘടനകള് ആഹ്വാനം ചെയ്ത ഹര്ത്താലില് സ്വകാര്യ ബസ് സര്വ്വീസ് മുടങ്ങില്ല പതിവ് പോലെ സര്വ്വീസ് ഉണ്ടാകുമെന്ന് ബസ് ഓപ്പറേറ്റേര്സ് അസോസിയേഷന് കണ്ണൂര് ജില്ലാ ജനറല് സെക്രട്ടറി രാജ് കുമാര് കരുവാരത്ത് അറിയിച്ചു. കടകമ്പോളങ്ങള് തുറക്കുമെന്ന് വ്യാപാരി വ്യവസായി എകോപന സമിതി കണ്ണൂര് ജില്ലാ പ്രസിഡണ്ട് ദേവസ്യ മേച്ചേരി പറഞ്ഞു. നിധിന് രാജിന്റെ മരണത്തിന് ഉത്തരവാദികളായവരെ നിയമത്തിന് മുന്നില് കൊണ്ട് വരണമെന്നാവശ്യപെട്ടുകൊണ്ടുള്ള ഹര്ത്താലിനെതിരെയുള്ള നിലപാടാണ് ഇരു സംഘടനകളും സ്വീകരിക്കുന്നത്. സി.പി എം , കോണ്ഗ്രസ്, ബിജെപി, മുസ്ലിം ലീഗ്, സിപിഐ തുടങ്ങി മുഖ്യധാര രാഷ്ട്രീയ പാര്ട്ടികളും ഹര്ത്താലിന് പിന്തുണ പ്രഖ്യാപിച്ചു കൊണ്ടു രംഗത്തുവന്നിട്ടില്ല.
നാളത്തെ ഹര്ത്താല് ജന ജീവിതത്തെ ബാധിക്കില്ല:കടകള് തുറക്കും ,സ്വകാര്യ ബസുകള് സര്വ്വീസ് നടത്തും
