കണ്ണൂർ: പ്രമുഖ രക്ഷാപ്രവർത്തകൻ രാജേഷിന്റെ നിര്യാണം അതീവ വേദനാജനകമാണെന്ന് മുഖ്യമന്ത്രി വി.ഡി. സതീശൻ. രാജേഷിന്റെ മൃതദേഹം പൂർണ്ണ സംസ്ഥാന ബഹുമതികളോടെയായിരിക്കും സംസ്കരിക്കുകയെന്ന് മുഖ്യമന്ത്രി അറിയിച്ചു.
നാടിനായി അമൂല്യമായ സേവനങ്ങൾ കാഴ്ചവെച്ച വ്യക്തിയായിരുന്നു രാജേഷ്. അദ്ദേഹത്തിന്റെ വിയോഗത്തിൽ ദുഃഖത്തിലായ കുടുംബത്തിന് എല്ലാവിധ പിന്തുണയും വാഗ്ദാനം ചെയ്ത മുഖ്യമന്ത്രി, രാജേഷ് പകുതിക്കുവെച്ച് നിർത്തിയ വീടുപണി പൂർത്തിയാക്കുമെന്നും വ്യക്തമാക്കി. രാജേഷിന്റെ വേർപാടിൽ അനുശോചനം രേഖപ്പെടുത്തിയ മുഖ്യമന്ത്രി, അദ്ദേഹത്തിന്റെ കുടുംബത്തിന്റെ ദുഃഖത്തിൽ പങ്കുചേരുന്നതായും അറിയിച്ചു.
