Latest News

തൃശ്ശൂർ: വീട്ടിലിരുന്ന് സംസ്ഥാന സ്‌കൂൾ കലോത്സവത്തിൽ അറബിക് പോസ്റ്റർ രചന വിഭാഗത്തിൽ മത്സരിച്ച സിയ ഫാത്തിമയ്ക്ക് എ ഗ്രേഡ്. എച്ച്എസ് വിഭാഗം അറബിക് പോസ്റ്റർ മത്സരത്തിലാണ് വിജയിച്ചത്. കാസർകോട് പടന്ന വി കെ പി കെ എച്ച് എം എം ആർ വി എച്ച്എസ്എസിലെ വിദ്യാർത്ഥിയാണ് സിയ. സംസ്ഥാന സ്കൂൾ കലോത്സവ ചരിത്രത്തിൽ ഇതാദ്യമായാണ് വീഡിയോ കോൺഫറൻസിലൂടെ ഒരു വിദ്യാർത്ഥി മത്സരത്തിൽ പങ്കെടുക്കുന്നത്. ‘വാസ്കുലൈറ്റിസ്’ എന്ന ഗുരുതര രോഗം കാരണം കലോത്സവ വേദിയിൽ എത്താൻ സിയക്ക് കഴിഞ്ഞിരുന്നില്ല. […]

തിരുവനന്തപുരം: നെയ്യാറ്റിൻകര ചെറിയ കൊല്ലയിൽ 7-ാം ക്ലാസ് വിദ്യാർത്ഥി കുളത്തിൽ വീണ് മരിച്ചു. മലയിൻ കാവ് സ്വദേശി ഷാജി ഷമീന ദമ്പതികളുടെ മകൻ നിയാസ് 13 ആണ് മരിച്ചത്. ഉണ്ടൻകോട് എച്ച്എസ്എസിലെ ഏഴാം ക്ലാസ് വിദ്യാർത്ഥിയാണ് നിയാസ്. കൂട്ടുകാരനുമൊത്ത് കുളിക്കാൻ ഇറങ്ങിയപ്പോഴാണ് അപകടമുണ്ടായത്.

കണ്ണൂരിൽ ഡിജിറ്റൽ അറസ്റ്റ് വഴി പണം തട്ടാൻ ശ്രമിച്ച പ്രതിക്കായി ലുക്ക് ഔട്ട് നോട്ടീസ് മുംബൈ ക്രൈംബ്രാഞ്ച് ഉദ്യോഗസ്ഥൻ എന്ന വ്യാജേന തോട്ടട സ്വദേശിയിൽ നിന്ന് പണം തട്ടാൻ ശ്രമിച്ച കേസിലെ പ്രതിക്കായാണ് ലുക്കൗട്ട് നോട്ടീസ് പുറപ്പെടുവിച്ചത് ഡിജിറ്റൽ അറസ്റ്റ് വഴി പണം തട്ടാനുള്ള ശ്രമം സൈബർ പോലീസ് പൊളിച്ചിരുന്നു വിവരം ലഭിക്കുന്നവർ 9497927694, 9497975778, 9497935446 എന്നീ നമ്പറുകളിൽ ബന്ധപ്പെടുക

തിരുവനന്തപുരം: വിജിലൻസിൻ്റെ മിന്നൽ പരിശോധനയിൽ കെഎസ്ഇബിയിൽ കണ്ടെത്തിയത് വ്യാപക അഴിമതി. ‘ഓപ്പറേഷൻ ഷോർട്ട് സർക്യൂട്ട്’ എന്ന പേരിലാണ് വിജിലൻസിന്റെ മിന്നൽ പരിശോധന. വിജിലൻസിന്റെ പരിശോധനയിൽ വ്യാപക അഴിമതിയും ക്രമക്കേടുമാണ് കെഎസ്ഇബിയിൽ കണ്ടെത്തിയത്. 41 ഉദ്യോഗസ്ഥർ കൈക്കൂലി വാങ്ങിയതായി കണ്ടെത്തിയിട്ടുണ്ട്. 16.50 ലക്ഷം രൂപയാണ് കൈക്കൂലി വാങ്ങിയത്. ഓവർസീയറുടെ അക്കൗണ്ടിലേക്ക് 1.67 ലക്ഷം വന്നത് കട നടത്തുന്നയാളിൽ നിന്നാണെന്ന് കണ്ടെത്തി. തിരുവനന്തപുരത്തെ സബ് എഞ്ചിനീയർ കൈക്കൂലി വാങ്ങിയത് ഗൂഗിൾ പേ വഴിയാണെന്നും കണ്ടെത്തിയിട്ടുണ്ട്.കരാറുകൾ നൽകുന്നത് നടപടിക്രമങ്ങൾ പാലിക്കാതെയാണെന്നും കരാറടിസ്ഥാനത്തിലുള്ള

തിരുവനന്തപുരം: ബലാത്സംഗക്കേസിൽ പാലക്കാട് എംഎൽഎ രാഹുൽ മാങ്കൂട്ടത്തിലിന് ജാമ്യമില്ല. തിരുവല്ല മജിസ്ട്രേറ്റ് കോടതിയാണ് ജാമ്യാപേക്ഷ തള്ളിയത്. ഈ സാഹചര്യത്തിൽ സെഷൻസ് കോടതിയെ സമീപിച്ചേക്കും. മൂന്നാമത്തെ ബലാത്സംഗപരാതിയിലാണ് രാഹുലിനെ അറസ്റ്റ് ചെയ്തത്. ബലാത്സംഗം, നിർബന്ധിത ഗർഭച്ഛിദ്രം, സാമ്പത്തിക ചൂഷണം അടക്കമുള്ള ഗുരുതര ആരോപണങ്ങളാണ് യുവതി രാഹുലിനെതിരായ പരാതിയിൽ ഉയർത്തിയത്. പ്രോസിക്യൂഷൻ്റെ വാദം അംഗീകരിച്ചാണ് ജാമ്യാപേക്ഷ തള്ളിയത്. പ്രോസിക്യൂഷൻ്റെ ആവശ്യം പരിഗണിച്ച് അടച്ചിട്ട കോടതി മുറിയിലായിരുന്നു രാഹുൽ മാങ്കുട്ടത്തിൻ്റെ ജാമ്യാപേക്ഷ വെള്ളിയാഴ്‌ച കോടതി പരിഗണിച്ചത്. രാഹുലിനെതിരെ നിരന്തരം പരാതികൾ ഉയരുകയാണ്

കൊല്ലം: യുവാവിനെ ദുരൂഹ സാഹചര്യത്തിൽ തോട്ടിൽ മരിച്ച നിലയിൽ കണ്ടെത്തി. പുനലൂർ സ്വദേശി ഷിനുവിനെയാണ് പുനലൂർ കോളേജ് ജംഗ്ഷന് സമീപമുള്ള ഫ്ളാറ്റിന് സമീപത്തെ തോട്ടിൽ മരിച്ച നിലയിൽ കണ്ടെത്തിയത്. ശനിയാഴ്ച രാവിലെയാണ് മൃതദേഹം കണ്ടത്. മൃതദേഹത്തിൻ്റെ പല ഭാഗത്തും മുറിവേറ്റ പാടുകൾ ഉണ്ടെന്ന് പൊലീസ് പറഞ്ഞു. കെവിൻ കൊലക്കേസിൽ ഷിനുവിനെ പൊലീസ് പ്രതി ചേർത്തിരുന്നെങ്കിലും കോടതി വെറുതെ വിട്ടിരുന്നു. ഇയാളുടെ മൂത്ത സഹോദരൻ ഷാനു ഈ കേസിൽ ശിക്ഷിക്കപ്പെട്ട് ഇപ്പോൾ പരോളിലാണ്. മദ്യപിച്ചു ലക്കുകെട്ട് ഫ്ളാറ്റിന്റെ മുകളിൽ

പാലക്കാട്: അട്ടപ്പാടിയിൽ വീണ്ടും കർഷക ആത്മഹത്യ. പുലിയറ സ്വദേശി ഗോപാലകൃഷ്ണണനാണ് ജീവനൊടുക്കിയത്. താൻ വിഷം കഴിച്ചുവെന്ന് അട്ടപ്പാടിയിലുള്ള സഹോദരനോട് ഗോപാലകൃഷ്‌ണൻ ഫോണിൽ വിളിച്ച് പറയുകയായിരുന്നു. അതേസമയം തണ്ടപ്പേർ ലഭിക്കാത്തതിൻ്റെ മനോവിഷമത്തിലാണ് ആത്മഹത്യയെന്ന് കുടുംബം ആരോപിച്ചു. കാലിലെ അസുഖത്തിനുള്ള ചികിത്സയ്ക്ക് പണം കണ്ടെത്താൻ കഴിയാത്തതും ബാങ്കിലെ ലോൺ ജപ്തി നടപടിയായതിനാൽ ഭൂമി വിൽക്കാൻ ശ്രമിച്ചെങ്കിലും തണ്ടപ്പേർ കിട്ടാത്തതിനാൽ വിൽക്കാൻ സാധിച്ചിരുന്നില്ല. ഇതിൽ ഗോപാലകൃഷ്ണൻ മനോവിഷമത്തിലായിരുന്നുവെന്നും കുടുംബം ആരോപിച്ചു.മൂപ്പിൽ നായർ കുടുംബത്തിൽ നിന്നാണ് ഗോപാലകൃഷ്‌ണൻ്റെ കുടുംബം ഭൂമി വാങ്ങിയത്. അനധികൃത

പയ്യന്നൂർ: ഓൺലൈൻ ഷെയർ ട്രേഡിംഗിലൂടെ വൻലാഭം നേടാമെന്ന് വിശ്വസിപ്പിച്ച് പയ്യന്നൂർ സ്വദേശിയിൽ നിന്ന് 97.40 ലക്ഷം രൂപ തട്ടിയെടുത്തെന്ന പരാതിയിൽ പ്രതി പിടിയിൽ. കോഴിക്കോട് മുക്കം സ്വദേശി കെ.പി. മുഹമ്മദ് സലീമിനെ (23) യാണ് സൈബർ പൊലീസ് പിടികൂടിയത്. വിദേശത്തായിരുന്ന പ്രതി നാട്ടിലേക്ക് വരുന്നതിനിടെ കോഴിക്കോട് വിമാനത്താവളത്തിൽ വെച്ചാണ് ആലക്കോട് സൈബർ ക്രൈം സ്റ്റേഷൻ ഇൻസ്പെക്ടർ കൃഷ്‌ണകുമാറും സംഘവും അറസ്റ്റ് ചെയ്‌തത്. പയ്യന്നൂർ സുബ്രഹ്മണ്യസ്വാമി ക്ഷേത്ര റോഡിലെ വി.വി. ഗണേശൻ്റെ പരാതിയിലാണ് നടപടി. ഷെയർ ട്രേഡിംഗിൽ പണം

നീലേശ്വരം: ജനുവരി 29 മുതൽ 31 വരെ തീയ്യതികളിലായി പത്തനംതിട്ട അടൂരിൽ വെച്ച് നടക്കുന്ന ഓൾ കേരള സ്‌കൂൾ ടീച്ചേഴ്സ് യൂണിയൻ (എ.കെ.എസ്.ടി.യു) 29-ാം സംസ്ഥാന സമ്മേളനത്തിൻ്റെ മുന്നോടിയായുള്ള കാസർകോട് ജില്ലാ സമ്മേളനത്തിന് നീലേശ്വരത്ത് ഉജ്ജ്വല തുടക്കം. നീലേശ്വരത്ത് നടന്ന വിദ്യാഭ്യാസ സമ്മേളനം സി.പി.ഐ കാസർകോട് ജില്ലാ സെക്രട്ടറി സി.പി ബാബു ഉദ്ഘാടനം ചെയ്തു. അധ്യാപകരുടെ അവകാശങ്ങൾ സംരക്ഷിക്കാൻ സന്ധിയില്ലാ പോരാട്ടം നടത്തുന്ന സംഘടനയാണ് എ.കെ എസ്.ടി.യു എന്ന് അദ്ദേഹം പറഞ്ഞു. കേന്ദ്ര സർക്കാർ പുത്തൻ വിദ്യാഭ്യാസ

കൽപ്പറ്റ: വയനാട് ചൂരൽമല ഉരുൾപൊട്ടൽ ദുരന്ത ബാധിതർ ദുരിതത്തിൽ. ദുരിത ബാധിതർക്ക് സർക്കാർ നൽകി വന്നിരുന്ന 9000 രൂപ സഹായ ധനം അവസാനിപ്പിച്ചു. ഉരുൾപൊട്ടലിൽ ജീവിതോപാധി നഷ്‌ടപ്പെട്ടവർക്ക് ആണ് മാസം 9000 നൽകിയിരുന്നത്. മൂന്ന് മാസം പ്രഖ്യാപിച്ച സഹായം വിമർശനം ഉയർന്നതിനെ തുടർന്ന് ഡിസംബർ വരെ നീട്ടിയിരുന്നു. ദുരന്ത ബാധിതർ പലർക്കും കൃത്യമായ വരുമാനം ഇല്ലാത്തതിനാൽ ധന സഹായം തുടർന്നും നീട്ടണം എന്ന് ആവശ്യം. ആയിരത്തോളം ദുരന്തബാധിതർക്കാണ് 9000 രൂപ കൈത്താങ്ങായിരുന്നത്. മാതൃകാ പരമായ പുനരധിവാസം വാഗ്ദാനം