കാറിൽ കടത്തുകയായിരുന്ന കഞ്ചാവും എം ഡി എം എയും പിടികൂടി; പെർഡാല സ്വദേശിയും കൂട്ടാളിയും ബദിയഡുക്കയിൽ അറസ്റ്റിൽ

കാസർകോട്: കാറിൽ കടത്തുകയായിരുന്ന എം ഡി എം എയും കഞ്ചാവുമായി ബദിയഡുക്ക പൊലീസ് രണ്ടുപേരെ അറസ്റ്റു ചെയ്തുതു. ബദിയഡുക്ക, പെർഡാല, ചെന്നാറക്കട്ട ഹൗസിലെ രഞ്ജിത്ത് റൈ(36), ദക്ഷിണ കന്നഡ, സുള്ള്യ, ആലട്ടി, സംഗം നിലയത്തിലെ എസ് വി പൂജിത്ത് സാഗർ ( 29 )എന്നിവരെയാണ് ബദിയഡുക്ക പൊലീസ് ഇൻസ്പെക്ടർ ആർ പി അനൂപ് കൃഷ്ണണനും സംഘവും അറസ്റ്റു ചെയ്‌തത്‌. വ്യാഴാഴ്‌ച വൈകുന്നേരം ആറരമണിയോടെ ബദിയഡുക്ക -മുള്ളേരിയ റോഡിലെ കന്യാന കൺവെൻഷൻ സെൻ്ററിനു സമീപത്തു നടത്തിയ വാഹന പരിശോധനയ്ക്കിടയിലാണ് സംഘം പിടിയിലായത്. കാറിൽ നിന്നു 95.89 ഗ്രാം കഞ്ചാവും 0.36 ഗ്രാം എം ഡി എം എയും കണ്ടെടുത്തതായി പൊലീസ് പറഞ്ഞു