ഔദ്യോഗിക വസതിയില് നിന്ന് പണം കണ്ടെത്തിയതില് അന്വേഷണം നേരിട്ട ജസ്റ്റിസ് യശ്വന്ത് വര്മ്മ രാജി വച്ചു. രാജി രാഷ്ട്രപതിക്ക് കൈമാറി. ജസ്റ്റിസ് യശ്വന്ത് വര്മ്മക്കെതിരെ ഇംപീച്ച്മെന്റ് പ്രമേയം കൊണ്ടുവരാന് കേന്ദ്രം നടപടികള് ആരംഭിച്ചിരുന്നു. നേരത്തെ ഡല്ഹി ഹൈക്കോടതിയില് നിന്ന് അലഹബാദ് ഹൈക്കോടതിയിലേക്ക് സ്ഥലം മാറ്റിയിരുന്നു. നിലവില് ആഭ്യന്തര അന്വേഷണം നേരിടുകയാണ് .
കഴിഞ്ഞ വര്ഷം മാര്ച്ചിലാണ് ഡല്ഹിയിലെ ജസ്റ്റിസ് വര്മ്മയുടെ ഔദ്യോഗിക വസതിയിലെ തീ പിടുത്തത്തെ തുടര്ന്ന് കണക്കില് പെടാത്ത പണം കണ്ടെത്തിയത്. ജഡ്ജി ജസ്റ്റിസ് യശ്വന്ത് വര്മ്മയുടെ വസതിയില് നിന്നും പണം കണ്ടെത്തി എന്ന ആരോപണം ശരിവെക്കുന്നതാണ് സുപ്രിംകോടതി നിയോഗിച്ച മൂന്നംഗ സമിതിയുടെ റിപ്പോര്ട്ട്. ജസ്റ്റിസ് യശ്വന്ത് വര്മ്മയെ ഇമ്പ്പീച് ചെയ്യാന് സുപ്രിംകോടതി മുന് ചീഫ് ജസ്റ്റിസ് സഞ്ജീവ് ഖന്ന രാഷ്ട്രപതി ക്കും പ്രധാനമന്ത്രിക്കും ശുപാര്ശ ചെയ്തിരുന്നു.
ആഭ്യന്തര അന്വേഷണം നേരിടുന്ന ജസ്റ്റിസ് യശ്വന്ത് വര്മ്മ രാജി വച്ചു
