നിയമസഭാ തെരഞ്ഞെടുപ്പിന്റെ വോട്ടെടുപ്പ് നടക്കുന്നതിനാല് സംസ്ഥാനത്ത് രണ്ടുദിവസം ഡ്രൈ ഡേ. ചൊവ്വാഴ്ച വൈകുന്നേരം ഏഴ് മണി മുതല് വോട്ടെടുപ്പ് അവസാനിക്കുന്ന വ്യാഴാഴ്ച വൈകുന്നേരം വരെ മദ്യ വില്പനയുണ്ടാകില്ല. മെയ് നാലിന് വോട്ടെണ്ണല് ദിനത്തിലും മദ്യ വില്പനയുണ്ടാകില്ല.
ഏപ്രില് ഒമ്പതിന് വോട്ടെടുപ്പ് സമയം അവസാനിക്കുന്നതിന് 48 മണിക്കൂര് മുന്പ് മുതല് ഡ്രൈ ഡേ ഉത്തരവ് നിലവില് വരും.
ഏതെങ്കിലും മണ്ഡലങ്ങളിലോ പോളിങ് ബൂത്തുകളിലോ റീപോളിങ് ആവശ്യമായാല് ആ ദിവസം ആ മേഖലകളിലും ഡ്രൈ ഡേയായിരിക്കും. വോട്ടെണ്ണല് ദിനമായ മെയ് നാലിനും കേരളത്തില് മദ്യശാലകള് പ്രവര്ത്തിക്കില്ല.
ഈ ദിവസങ്ങളില് പൊതുസ്ഥലങ്ങളിലേക്കോ ഭക്ഷണശാലകളിലോ ലഹരി വസ്തുക്കള് വാങ്ങുകയോ ശേഖരിക്കുമോ വിതരണം ചെയ്യുകയോ ഉപയോഗിക്കുകയോ ചെയ്യാന് പാടില്ല. മദ്യശാലകള് ഉള്പ്പെടെയുള്ള ക്ലബ്ബുകള്ക്കും ഹോട്ടലുകള്ക്കും നിരോധനം ബാധകമാണ്.
വ്യക്തികള് മദ്യം സംഭരിച്ചുവെക്കുന്നത് കര്ശനമായി നിരോധിച്ചിട്ടുണ്ട്. അയല് സംസ്ഥാനങ്ങളില് നിന്നുള്ള നിയമവിരുദ്ധമായ മദ്യക്കടത്ത് തടയാന് അതിര്ത്തികളില് കര്ശന പരിശോധന നടത്തും. എക്സൈസ് നിയമങ്ങള് ലംഘിക്കുന്നവര്ക്കെതിരെ കര്ശന നടപടി സ്വീകരിക്കാന് എക്സൈസ് കമ്മീഷണര്ക്കും പൊലീസിനും നിര്ദ്ദേശം നല്കിയിട്ടുണ്ട്.
ഇന്ന് വൈകീട്ടോടെ മദ്യശാലകള് അടയ്ക്കും; സംസ്ഥാനത്ത് രണ്ട് ദിവസം ഡ്രൈ ഡേ
