തിരുവനന്തപുരം: സംസ്ഥാനത്തെ പുതിയ മുഖ്യ തെരഞ്ഞെടുപ്പ് ഓഫീസറായി (Chief Electoral Officer) ഐ.എ.എസ് ഉദ്യോഗസ്ഥനായ എ. കൗശികനെ നിയമിച്ചു. ഇത് സംബന്ധിച്ച ഔദ്യോഗിക പ്രഖ്യാപനം പുറത്തുവന്നു.
നിലവിൽ ദുരന്തനിവാരണ കമ്മീഷണറായ ഡോ. എ. കൗശികൻ ഐ.എ.എസ് മുൻപ് തൃശൂർ, ഇടുക്കി ജില്ലകളിൽ കളക്ടറായും സേവനമനുഷ്ഠിച്ചിട്ടുണ്ട്. തുടർന്ന് വിവിധ വകുപ്പുകളുടെ അഡീഷണൽ ചുമതലകൾ വഹിച്ചുവരവെയാണ് പുതിയതായി ഈ നിർണായക പദവിയിലേക്ക് അദ്ദേഹം നിയമിതനാകുന്നത്.
സംസ്ഥാനത്തെ വരാനിരിക്കുന്ന തെരഞ്ഞെടുപ്പ് നടപടികൾക്കും വോട്ടർപട്ടിക പുതുക്കൽ ഉൾപ്പെടെയുള്ള അടിയന്തര പ്രവർത്തനങ്ങൾക്കും ഇനി മുതൽ എ. കൗശികൻ നേതൃത്വം നൽകും.
