തിരുവനന്തപുരം: ലൈഫ് മിഷൻ കോഴ കേസിൽ സ്വപ്ന സുരേഷിനെ ചോദ്യം ചെയ്ത് വിജിലൻസ്. സ്വപ്ന സുരേഷ് വിജിലൻസിന് മുന്നിൽ ഹാജരായി. ചോദ്യംചെയ്യൽ ഒരു മണിക്കൂറിലേറെ നീണ്ടു. കേസന്വേഷണത്തിന്റെ ഭാഗമായി എത്തിയതാണ് എന്നും കൂടുതൽ ഒന്നും പറയാനില്ലെന്നും സ്വപ്നാ സുരേഷ് പറഞ്ഞു. ലൈഫ് മിഷൻ കോഴ കേസിലെ രണ്ടാം പ്രതിയാണ് സ്വപ്ന സുരേഷ്. ലൈഫ് മിഷൻ അഴിമതിയിൽ കുറ്റപത്രം സമർപ്പിക്കാനൊരുങ്ങുകയാണ് വിജിലൻസ്. അതിന്റെ ഭാഗമായാണ് പ്രതികളെ ഒന്നുകൂടി വിളിച്ച് ചോദ്യംചെയ്യുന്നത്. മുട്ടത്തറയിലുളള വിജിലൻസ് ഓഫീസിൽ വെച്ചായിരുന്നു ചോദ്യംചെയ്യൽ.
ലൈഫ് മിഷൻ കോഴ കേസ്; സ്വപ്ന സുരേഷിനെ വിജിലൻസ് ചോദ്യം ചെയ്തു
