കണ്ണൂർ: ലഹരിമരുന്നുകൾക്കെതിരെയുള്ള കർശന നടപടികളുടെ ഭാഗമായി കണ്ണവം പോലീസ് നടത്തിയ പരിശോധനയിൽ രണ്ട് കിലോ കഞ്ചാവുമായി രണ്ട് പേർ പിടിയിലായി. ചെരുവാഞ്ചേരി സ്വദേശികളായ മുഹമ്മദ് അക്ബർ, ടി. ഹാരിസ് എന്നിവരാണ് പോലീസിന്റെ അറസ്റ്റിലായത്.
സംസ്ഥാനത്ത് തുടരുന്ന ‘ഓപ്പറേഷൻ തൂഫാൻ’ (Operation Toofan) എന്ന ലഹരിവിരുദ്ധ സ്പെഷ്യൽ ഡ്രൈവിന്റെ ഭാഗമായാണ് കണ്ണവം പോലീസ് പ്രദേശത്ത് ശക്തമായ പരിശോധന നടത്തിയത്. ഈ റെയ്ഡിലാണ് പ്രതികൾ കഞ്ചാവുമായി വലയിലായത്.
കണ്ണവം എസ്.ഐ. അനൂപ് കെ. ഗോവിന്ദ്, ദേവാനന്ദ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
