കണ്ണൂർ ജില്ലയിൽ നിരോധനാജ്ഞ പ്രഖ്യാപിച്ചു

കണ്ണൂർ: ക്രമസമാധാന പാലനത്തിന്റെ ഭാഗമായി കണ്ണൂർ ജില്ലയിൽ നിരോധനാജ്ഞ പ്രഖ്യാപിച്ചു. ഇന്ന് വൈകിട്ട് 6 മണി മുതൽ പ്രാബല്യത്തിൽ വരുന്ന നിരോധനാജ്ഞ വ്യാഴാഴ്ച അർദ്ധരാത്രി 12 മണി വരെ തുടരുമെന്ന് ജില്ലാ കളക്ടർ അരുൺ കെ. വിജയൻ അറിയിച്ചു. നിരോധനാജ്ഞ നിലനിൽക്കുന്ന സാഹചര്യത്തിൽ ജില്ലയിൽ അനധികൃതമായി ആളുകൾ കൂട്ടംകൂടുന്നതിനും പൊതുയോഗങ്ങൾ നടത്തുന്നതിനും കർശന വിലക്കേർപ്പെടുത്തിയിട്ടുണ്ട്. നിയമം ലംഘിക്കുന്നവർക്കെതിരെ കർശന നടപടി സ്വീകരിക്കുമെന്നും അധികൃതർ വ്യക്തമാക്കി.