Latest News

തിരുവനന്തപുരം: പ്രതിപക്ഷ നേതാവ് പിണറായി വിജയൻറെ വീട്ടിലെ പരിശോധന കഴിഞ്ഞ് മടങ്ങിയ ഇ ഡി ഉദ്യോഗസ്ഥർക്കെതിരായ ആക്രമണത്തിൽ സിപിഐഎം നേതാക്കൾക്ക് പങ്കുണ്ടെന്ന് എൻഫോഴ്സസ്മെന്റ്റ് ഡയറക്ടറേറ്റ്. ഉന്നത സിപിഐഎം നേതാക്കൾ ക്രിമിനൽ ഗൂഢാലോചന നടത്തിയെന്നും സംസ്ഥാന സെക്രട്ടറിയുടെ സാന്നിധ്യത്തിലായിരുന്നു ആക്രമണമെന്നും ഇ ഡി കോടതിയിൽ നൽകിയ തടസ ഹർജിയിൽ പരാമർശിക്കുന്നു.പ്രതികളുടെ ജാമ്യാപേക്ഷ പരിഗണിക്കുന്നത് വെള്ളിയാഴ്ച്ചയിലേക്ക് മാറ്റി. സംഭവത്തിൽ ഗൂഢാലോചന നടന്നതിന് തെളിവ് കണ്ടെത്താനായില്ലെന്നായിരുന്നു നേരത്തെ പൊലീസിൻ്റെ റിപ്പോർട്ട്. പ്രതികളുടെ ഫോൺ കോളുകളിൽ അസ്വാഭാവികതയില്ലെന്നും പൊലീസ് കോടതിയിൽ റിപ്പോർട്ട് സമർപ്പിച്ചു. […]

കാസർകോട്: കനത്ത മഴയെ തുടർന്ന് വീടിനു മുകളിലേയ്ക്ക് മണ്ണിടിഞ്ഞു വീണു. മധൂർ, ബിലാൽ നഗറിലെ മഷൂദിന്റെ വീടിൻ്റെ സൺഷേഡിലേക്കാണ് സമീപത്തെ മൺതിട്ട ഇടിഞ്ഞു വീണത്. മണ്ണിടിയുന്നതിനു തൊട്ടു മുമ്പു വരെ പ്രസ്‌തുത ഭാഗത്ത് വീട്ടുകാർ ഉണ്ടായിരുന്നു. ഭാഗ്യത്തിനാണ് പരിക്കില്ലാതെ രക്ഷപ്പെട്ടത്. കാസർകോട്, കണ്ണൂർ ജില്ലകളിൽ കേന്ദ്ര കാലാവസ്ഥാ വകുപ്പ് ഇന്ന് ഓറഞ്ച് അലർട്ട് പ്രഖ്യാപിച്ചിട്ടുണ്ട്. എന്നാൽ ജില്ലയുടെ വിവിധ ഭാഗങ്ങളിൽ ഒറ്റപ്പെട്ട മഴ മാത്രമാണ് ലഭിച്ചു കൊണ്ടിരിക്കുന്നത്.

തളിപ്പറമ്പ്: കേരളം ശ്രദ്ധിച്ച വയൽക്കിളി സമരവുമായി ബന്ധപ്പെട്ട് പൊലീസെടുത്ത കേസിലെ മുഴുവൻ പ്രതികളെയും തളിപറമ്പ് മജിസ്ട്രേറ്റ് കോടതി വെറുതെവിട്ടു. ദേശീയപാത വികസനവുമായി ബന്ധപ്പെട്ട് കീഴാറ്റൂർ വയൽ നികത്തി ബൈപ്പാസ് നിർമ്മിക്കുന്നതിനെതിരെയായിരുന്നു ‘വയൽക്കിളികൾ, എന്ന പേരിൽ പ്രദേശത്തെ ജനങ്ങൾ സംഘടിച്ച് പ്രക്ഷോഭം നടത്തിയത്. ഇതുമായി ബന്ധപ്പെട്ട് 2018 മാർച്ച് 14ന് വയൽ അളന്ന് തിട്ടപ്പെടുത്താനെത്തിയ റവന്യു ഉദ്യോഗസ്ഥരെ തടയാൻ സമരക്കാർ വയലിൽ അണിനിരന്നിരുന്നു.കുപ്പിയിൽ നിറച്ച പെട്രോളുമായാണ് സമര നേതാവായ നമ്പ്രാടത്ത് ജാനകി ഉൾപ്പെടുന്ന സ്ത്രീകളടക്കം അണിനിരന്നത്. അന്നത് വലിയ

ബെംഗളൂരു: കർണാടകയിൽ മലയാളി വ്യവസായിയെ കൊള്ളയടിച്ചു. സൂറത്കല്ലിന് സമീപം ബൈക്കംപാടിയിലാണ് സംഭവം. പയ്യന്നൂർ സ്വദേശി വികാസും കുടുംബവുമാണ് കവർച്ചയ്ക്ക് ഇരയായത്. മഹാരാഷ്ട്രയിൽ വിവാഹത്തിൽ പങ്കെടുത്ത് മടങ്ങവേയാണ് സംഭവം. മൂന്ന് കാറുകളിലായെത്തിയ സംഘമാണ് കവർച്ച നടത്തിയത്.സംഭവത്തിൽ പനമ്പൂർ പൊലീസ് സ്റ്റേഷനിൽ വികാസ് പരാതി നൽകിയിട്ടുണ്ട്. 20 ലക്ഷം രൂപയുടെ സ്വർണവും വിലപിടിപ്പുള്ള സാധനങ്ങളും കവർന്നതായാണ് പരാതി. വാഹനം തടഞ്ഞുനിർത്തി വികാസിനെ കാറുൾപ്പെടെ തട്ടിക്കൊണ്ടുപോകുകയായിരുന്നു.തുടർന്ന് ഭാര്യയുടെയും മകൻ്റെയും ആഭരണങ്ങൾ കവർന്ന ശേഷം വഴിയിൽ ഇറക്കിവിട്ടു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.

കണ്ണൂർ: ജില്ലയിലെ പ്രധാന വിനോദസഞ്ചാര കേന്ദ്രമായ പൈതൽമലയിൽ ഇന്ന് മുതൽ സന്ദർശകർക്ക് പ്രവേശനം അനുവദിക്കും. കാലാവസ്ഥാ സാഹചര്യങ്ങൾ വിലയിരുത്തിയ ശേഷമായിരിക്കും പ്രവേശനത്തിന് നിയന്ത്രണങ്ങൾ ഏർപ്പെടുത്തുകയെന്ന് അധികൃതർ അറിയിച്ചു. കഴിഞ്ഞ വ്യാഴാഴ്ച പൈതൽമലയിൽ ഇടിമിന്നലേറ്റ് ഒരു യുവതി മരിച്ചതിനെ തുടർന്ന് സന്ദർശകർക്കുള്ള പ്രവേശനം താൽക്കാലികമായി നിർത്തിവെച്ചിരുന്നു. കാലാവസ്ഥ അനുകൂലമായാൽ മാത്രമേ മലമുകളിലേക്ക് പ്രവേശനം അനുവദിക്കൂ. സന്ദർശകർ സുരക്ഷാ നിർദേശങ്ങൾ കർശനമായി പാലിക്കണമെന്നും അധികൃതർ അഭ്യർഥിച്ചു. 12:27 pm

കൽപ്പറ്റ: വയനാട്ടിൽ സ്വകാര്യ ബസുകൾ പണിമുടക്കി പ്രതിഷേധം. ഏകദിന സൂചനാ പണിമുടക്ക് ആരംഭിച്ചു. പ്രിയദർശിനി സൗജന്യ യാത്രയിൽ പ്രതിഷേധിച്ചാണ് പണിമുടക്ക്. പ്രിയദർശിനി സൗജന്യ യാത്ര മൂലം തങ്ങൾ പ്രതിസന്ധിയിലാണെന്ന് സ്വകാര്യ ബസുടമകൾ പറയുന്നു. പ്രതിസന്ധി പരിഹരിക്കാൻ സർക്കാർ ഇടപെടൽ ഉണ്ടാവണമെന്ന് ആവശ്യപ്പെട്ട് കളക്ടറേറ്റിന് മുന്നിൽ ധർണ്ണയും സംഘടിപ്പിച്ചു.പ്രിയദർശനി പദ്ധതി മൂലം പ്രതിദിനം 3000 രൂപ വരുമാനത്തിൽ കുറവെന്നാണ് ബസുടമകൾ പറയുന്നത്. സർക്കാർ ഇടപെടൽ ഉണ്ടായില്ലെങ്കിൽ ജൂലൈ ഒന്ന് മുതൽ അനിശ്ചിതകാലത്തേക്ക് സർവീസ് നിർത്തിവെയ്ക്കാനും തീരുമാനമുണ്ട്. സർവീസ് നിർത്തി

തൃശ്ശൂർ: ജൂബിലി മിഷൻ മെഡിക്കൽ കോളേജ് ആശുപത്രി ഹോസ്റ്റലിന്റെ നാലാം നിലയിൽ നിന്ന് ചാടി വിദ്യാർത്ഥിനി ജീവനൊടുക്കി. കോട്ടയം സ്വദേശി സ്നേഹ പൗലോസ് (20) ആണ് മരിച്ചത്. ആശുപത്രിക്ക് തൊട്ടടുത്തുള്ള ഹോസ്റ്റൽ ബ്ലോക്കിന്റെ നാലാം നിലയിൽ നിന്നാണ് കുട്ടി ചാടിയത്. ആത്മഹത്യയുടെ കാരണം വ്യക്തമല്ല.

കൊല്ലം: പാരിപ്പള്ളി മെഡിക്കൽ കോളേജിൽ ഡോക്ടർക്ക് ഷിഗെല്ല സ്ഥിരീകരിച്ചു. ആശുപത്രിയിലെ ഹൗസ് സർജനാണ് രോഗം സ്ഥിരീകരിച്ചത്. ഇതോടെ മെഡിക്കൽ വിദ്യാർത്ഥികൾ അടക്കം നിരീക്ഷണത്തിലാണെന്ന് ജില്ലാ ആരോഗ്യ വിഭാഗം അറിയിച്ചു.പ്രതിരോധ പ്രവർത്തനം ശക്തമാക്കിയതായി ആരോഗ്യ വകുപ്പ് അറിയിച്ചു. ആശുപത്രിയിൽ ജാഗ്രതാ നിർദേശം നൽകിയിട്ടുണ്ട്. രോഗലക്ഷണങ്ങൾ ഉള്ളവരെ പ്രത്യേക നിരീക്ഷണത്തിൽ മാറ്റി പാർപ്പക്കുമെന്നും അധികൃതർ വ്യക്തമാക്കി.ഷിഗെല്ല ബാക്ടീരിയ മൂലമാണ് ഷിഗല്ലോസിസ് എന്ന അണുബാധ കുടലിനുണ്ടാകുന്നത്. വയറിളക്കമാണ് പ്രധാന രോഗലക്ഷണം. ശരിയായ സമയത്ത് ചികിത്സ ലഭിച്ചില്ലെങ്കിൽ രോഗം ഗുരുതരമാകും. രോഗപ്രതിരോധശേഷി കുറഞ്ഞവരിലും

തിരുവനന്തപുരം: ക്രിക്കറ്റ് കോച്ചിങ്ങിനിടെ പെൺകുട്ടികളെ പീഡിപ്പിച്ച പരിശീലകന് 47 വർഷം കഠിനതടവും 79,000 രൂപ പിഴയും വിധിച്ച് കോടതി. മൂന്നാമത്തെ കേസിലാണ് ശിക്ഷ വിധിച്ചത്. നാലാമത്തെ കേസിൽ പ്രതി കുറ്റക്കാരനാണെന്ന് കോടതി കണ്ടെത്തി. ആറ് കേസുകളാണ് തിരുവനന്തപുരം ശ്രീവരാഹം സ്വദേശി എം മനുവിനെതിരെ ഉളളത്. തിരുവനന്തപുരം അതിവേഗ പ്രത്യേക കോടതിയാണ് ശിക്ഷ വിധിച്ചത്. 2018-ലായിരുന്നു കേസിനാസ്‌പദമായ സംഭവം നടന്നത്. ഇനി മൂന്ന് കേസുകളിൽ കൂടി ശിക്ഷ വിധിക്കാനുണ്ട്. നാലാമത്തെ കേസിൽ തിങ്കളാഴ്ച്ചയാണ് കോടതി വിധി പറയുക. പ്രതിയുടെ

കീം പരീക്ഷാഫലം പ്രസിദ്ധീകരിച്ചു. എൻജിനീയറിങ് റാങ്ക് പട്ടികയിൽ 79,717 വിദ്യാർഥികൾ ഇടംനേടി. എൻജിനീയറിങ്ങിൽ അങ്കമാലി സ്വദേശി റോഷൻ രാജു ഒന്നാം റാങ്കും, കണ്ണൂർ സ്വദേശി ധ്യാൻ തേജ് രണ്ടാം റാങ്കും നേടി. ഫാർമസിയിൽ ഒന്നാം റാങ്ക് സ്വദേശി വിനായകൻ നാരായണനും, ജെസ്സി ജസ്റ്റിൻ രണ്ടാം റാങ്കും നേടി. ഇരുവരും തൃശൂർ സ്വദേശികളാണ്. 26,943 പേരാണ് ഫാർമസി റാങ്ക് പട്ടികയിൽ ഉൾപ്പെട്ടത്. വലിയ തയ്യാറെടുപ്പുകളോടുകൂടിയാണ് കീം പരീക്ഷ നടത്തിയതെന്നും പരാതികൾ ഇല്ലാതെ സമയബന്ധിതമായി നടത്തിയെന്നും ഉന്നതവിദ്യാഭ്യാസ മന്ത്രി റോജി