കൊല്ലം: ട്രെയിൻ യാത്രയ്ക്കിടെ ഭിന്നശേഷിക്കാരന് ക്രൂരമർദനം. ആലപ്പുഴ താമരക്കുളം വല്യത്ത് വീട്ടിൽ നാസറി(49)നാണ് മർദ്ദനമേറ്റത്. ഭിന്നശേഷിക്കാർക്കുള്ള പ്രത്യേക കംപാർട്മെന്റിൽ വച്ചായിരുന്നു അക്രമം ഉണ്ടായത്. കരുനാഗപ്പള്ളിക്കും ശാസ്താംകോട്ടയ്ക്കും ഇടയിലാണ് മർദ്ദനമുണ്ടായത്.
കന്യാകുമാരി ഐലൻഡ് എക്സ്പ്രസിൽ ഇന്നലെയാണ് സംഭവം. ഭിന്നശേഷിക്കാരുടെ കംപാർട്മെൻ്റിൽ എന്തിനാണ് കയറിയതെന്ന് ചോദിച്ചതോടെ യുവാവ് പ്രകോപിതനാകുകയായിരുന്നു. അക്രമിയെ സഹയാത്രികർ തടഞ്ഞുവച്ചെങ്കിലും ഇയാൾ പുറത്തേക്കു ചാടി രക്ഷപ്പെട്ടു. അക്രമിക്കുവേണ്ടി റെയിൽവേ പൊലീസ് അന്വേഷണം ഊർജ്ജിതമാക്കി.
കൊല്ലത്ത് ട്രെയിൻ യാത്രയ്ക്കിടെ ഭിന്നശേഷിക്കാരന് ക്രൂരമർദനം; പ്രതി ഓടി രക്ഷപ്പെട്ടു
