മൂന്നു വയസ്സുള്ള മകളെ ശരീരത്തിൽ ചേർത്ത് കെട്ടി മാതാവ് കിണറ്റിൽച്ചാടി മരിച്ചു

സുള്ള്യ: മൂന്നു വയസ്സുള്ള മകളെ ശരീരത്തിൽ ചേർത്തു കെട്ടി യുവതി കിണറ്റിൽച്ചാടി മരിച്ചു. സുള്ള്യ, ബെള്ളാരെ, കൊടിയാള, ഹാർവാരയിലെ ഹരീഷിൻ്റെ ഭാര്യ മധുശ്രീ (34), മകൾ ധൻവി (മൂന്ന്) എന്നിവരാണ് മരിച്ചത്. കഴിഞ്ഞ ദിവസം രാത്രിയിലാണ് സംഭവം. പതിവു പോലെ ഭക്ഷണം കഴിച്ച് ഉറങ്ങാൻ കിടന്നതായിരുന്നു. രാവിലെ മധുശ്രീയെയും മകളെയും വീട്ടിൽ കാണാത്തതിനെ തുടർന്ന് തെരച്ചിൽ നടത്തുന്നതിനിടയിലാണ് മൃതദേഹങ്ങൾ കിണറ്റിൽ കാണപ്പെട്ടത്. ബെള്ളാരെ പൊലീസ് കേസെടുത്ത് അന്വേഷണം തുടങ്ങി