സ്വർണവില സാധാരണക്കാരന് സ്വപ്നംപോലും കാണാൻ വയ്യാത്ത ഉയരത്തിലേക്ക് പറപറക്കുന്നു. രാജ്യാന്തര വിപണിയിലെ ചലനങ്ങളുടെ ചുവടുപിടിച്ച് കേരളത്തിൽ ഇന്നും വില റെക്കോർഡ് തകർത്ത് കുത്തനെ കൂടി.ഗ്രാം വില 110 രൂപ വർധിച്ച് 12,945 രൂപയായി. 880 രൂപ മുന്നേറി 1,03,560 രൂപയാണ് പവൻവില. ഒറ്റപ്പവൻ ആഭരണം വാങ്ങാൻ ഇന്നു കേരളത്തിൽ 1.20 ലക്ഷം രൂപയ്ക്കടുത്ത് നൽകണമെന്നത് സാധാരണക്കാരെ വലയ്ക്കും. വിവാഹാവശ്യത്തിന് വലിയതോതിൽ സ്വർണം വാങ്ങാൻ കൊതിച്ചിരുന്നവർക്കാണ് കൂടുതൽ നിരാശ.
ബ്രേക്ക് പോയ വണ്ടിപോലെ സ്വർണം; ഇന്നും കനത്ത വില വർധന, തകർന്ന് റെക്കോർഡ്
