സ്വർണവില കേരളത്തിൽ ഒരുലക്ഷം രൂപയ്ക്ക് തൊട്ടടുത്തെത്തി. ഇന്നുച്ചയ്ക്കോ നാളെ രാവിലെയോ പവൻവില ഒരുലക്ഷം രൂപയെന്ന നാഴികക്കല്ല് ഭേദിച്ചേക്കും. രാജ്യാന്തരവില വീണ്ടും ഉഷാറായതിനാൽ സാധ്യത അതിശക്തം. ഇന്നു കേരളത്തിൽ ഗ്രാമിന് 100 രൂപ ഉയർന്ന് 12,400 രൂപയിലെത്തി. പവൻവില 800 രൂപ ഉയർന്ന് 99,200 രൂപയും. രാജ്യാന്തരവില ഔൺസിന് 40 ഡോളർ ഉയർന്ന് 4,394 ഡോളറായി. ഇതാണ് ട്രെൻഡ് എങ്കിൽ സ്വർണവില കുതിക്കാൻ തന്നെയാണ് സാധ്യതയെന്ന് വിപണിയിലുള്ളവർ പറയുന്നു.
സ്വർണവില വീണ്ടും ‘കത്തുന്നു’; കേരളത്തിൽ ഇന്നും വൻ മുന്നേറ്റം, ലക്ഷത്തിലേക്ക് ഇനി വെറും 800ൻ്റെ ദൂരം
