വട്ടിയൂർക്കാവിൽ ഗർഭിണിയായ ദളിത് യുവതിയുടെ വീട് കയറി ആർഎസ്എസ് പ്രവർത്തകരുടെ ആക്രമണം

തിരുവനന്തപുരം: തിരുവനന്തപുരം വട്ടിയൂർക്കാവിൽ ദളിത് യുവതിയുടെ വീട് കയറി ആർഎസ്എസ് ആക്രമണം. മലമുകളിലാണ് സംഭവം. ഗർഭിണിയായ യുവതിയെയും സഹോദരന്മാരെയും ആർഎസ്എസ് പ്രവർത്തകർ ആക്രമിച്ചു. മലമുകൾ സ്വദേശികളായ അഞ്ജലി, അജിത്ത്, അഭിജിത്ത് എന്നിവർക്ക് പരിക്കേറ്റു.ലാൽ, പ്രവീൺ, അനന്തു യു എസ് എന്നിവർ അടക്കം 20 ഓളം പ്രവർത്തകരാണ് വീടുകയറി ആക്രമിച്ചത്. അഞ്ജലിയുടെ വയറ്റിൽ ആർഎസ്എസ് പ്രവർത്തകർ ചവിട്ടി.സഹോദരന്മാരെ ദണ്ഡ ഉപയോഗിച്ച് മുഖത്ത് അടിച്ചു. അഞ്ജലിയേയും സഹോദരങ്ങളെയും ആശുപത്രിയിൽ പ്രവേശിപ്പിച്ചു.