തളിപ്പറമ്പ്: അമിതമായി ഗുളിക കഴിച്ച് അവശ നിലയിൽ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിക്കപ്പെട്ട യുവതി ശുചിമുറിയിൽ തൂങ്ങി മരിച്ച നിലയിൽ. കൂത്തുപറമ്പ്, ഏഴാംമൈൽ, പടയംകുട്ടി ഹൗസിലെ ഇ കെ ലീന(46)യാണ് ജീവനൊടുക്കിയത്.
അമിതമായി ഗുളിക കഴിച്ച് അവശനിലയിലായ ലീനയെ കഴിഞ്ഞ ദിവസമാണ് ആശുപത്രിയിലെ നാലാം വാർഡിൽ പ്രവേശിപ്പിച്ചത്. അപകട നില തരണം ചെയ്തിരുന്നു. ഇതിനിടയിലാണ് വ്യാഴാഴ്ച രാവിലെ 9.15 മണിയോടെ ലീന ശുചിമുറിയിലേയ്ക്ക് പോയത്. ഏറെ നേരം കഴിഞ്ഞിട്ടും പുറത്തുവരാത്താത്തതിനെ തുടർന്ന് ആശുപത്രി അധികൃതരെത്തി വാതിൽ തള്ളി തുറന്നു നോക്കിയപ്പോഴാണ് തൂങ്ങിയ നിലയിൽ കണ്ടത്. ഉടൻ താഴെയിറക്കി ചികിത്സ നൽകിയെങ്കിലും രക്ഷിക്കാനായില്ല. സന്തോഷാണ് ഭർത്താവ്. യദുനാഥ് മകനാണ്. മൃതദേഹം മോർച്ചറിയിലേയ്ക്ക് മാറ്റി.
ആശുപത്രി ശുചിമുറിയിൽ യുവതി തൂങ്ങി മരിച്ച നിലയിൽ
