കൊല്ലം: കലോത്സവം നടക്കുന്നതിനിടെ വേദി തകർന്ന് വീണ് ഒരു അധ്യാപികയ്ക്കും രണ്ട് വിദ്യാർഥികൾക്കും പരിക്കേറ്റു. പരവൂർ പൂതക്കുളം ഗവ.ഹയർ സെക്കണ്ടറി സ്കൂളിലാണ് വേദി തകർന്ന് വീണ് അപകടമുണ്ടായത്.
കലോത്സവത്തിൻ്റെ ഭാഗമായി മത്സരങ്ങൾ ആരംഭിച്ച് അല്പനേരം കഴിഞ്ഞപ്പോഴാണ് അപകടമുണ്ടായത്. കലോത്സവത്തിനായി കെട്ടിയ താൽക്കാലിക പന്തലാണ് ശക്തമായ കാറ്റിലും മഴയിലും തകർന്ന് വീണത്. അപകടത്തിൽ ഗുരുതരമായി പരിക്കേറ്റ അധ്യാപിക രശ്മിയെ പാരിപ്പള്ളി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
