മഹാരാഷ്ട്ര ഉപമുഖ്യമന്ത്രി അജിത് പവാര് വിമാനപകടത്തില് അന്തരിച്ചു. ഡിജിസിഎ മരണം സ്ഥിരീകരിച്ചു. അജിത് പവാറിനെ ഗുരുതര പരുക്കുകളോടെയായിരുന്നു ആശുപത്രിയില് പ്രവേശിപ്പിച്ചത്. വിമാനത്തില് ഉണ്ടായിരുന്ന ആറു പേരും മരിച്ചു. രാവിലെ 8.45നാണ് അപകടം സംഭവിച്ചത്. ബാരാമതിയില് ലാന്ഡ് ചെയ്യുന്നതിനിടെ തകര്ന്നു വീഴുകയായിരുന്നു. അജിത് പവാര് ബാരാമതിയില് ഒരു റാലി യില് പങ്കെടുക്കാന് എത്തിയതായിരുന്നു. എത്തുന്നതിന് 25 മിനിറ്റ് മുമ്പാണ് അപകടം നടന്നത്. പോലീസും ജില്ലാ ഭരണകൂടവും സംഭവസ്ഥലത്തെത്തി. വിമാനം ലാന്ഡിംഗിനിടെ വയലില് ഇടിച്ചു ഇറങ്ങുകയായിരുന്നു.
വിമാനം ലാന്ഡിങ് ചെയ്യുന്നതിനിടെ സാങ്കേതിക തകരാര് നേരിട്ടു. തുടര്ന്ന് പൈലറ്റ് ക്രാഷ് ലാന്ഡിങിന് ശ്രമിക്കുന്നതിനിടെ വയലില് ഇടിച്ചിറങ്ങുകയായിരുന്നു. വിമാനം കത്തി വീഴുകയായിരുന്നുവെന്ന് ദൃക്സാക്ഷികള് പറയുന്നത്. ഉടന് തന്നെ രക്ഷാപ്രവര്ത്തനം ആരംഭിച്ചെങ്കിലും ആരുടെയും ജീവന് രക്ഷിക്കാന് കഴിഞ്ഞില്ല.
വിമാനപകടം: മഹാരാഷ്ട്ര ഉപമുഖ്യമന്ത്രി അജിത് പവാര് അന്തരിച്ചു
