കൊട്ടിയം: മദ്യം ശേഖരിച്ച് ഡ്രൈ ഡേയിൽ വൻ വിലയ്ക്ക് വിൽപ്പന നടത്തിയ ആൾ പിടിയിൽ. ഉമയനല്ലൂർ പറക്കുളം ദയാ മൻസിലിൽ സുധീറിനെയാണ് പൊലീസ് പിടികൂടിയത്. തെരഞ്ഞെടുപ്പ് പെരുമാറ്റച്ചട്ടപ്രകാരം മദ്യനിരോധനം നിലനിൽക്കവേയാണ് 20 ലിറ്റർ വിദേശമദ്യവുമായി ഇയാളെ പൊലീസ് പിടികൂടിയത്.
അര ലിറ്റർ വീതമുള്ള 40 കുപ്പികളാണ് പൊലീസ് പിടിച്ചെടുത്തത്. സുധീറിന്റെ വീട്ടിൽ മദ്യവിൽപ്പന നടക്കുന്നതായി പൊലീസ് ഇൻസ്പെക്ടർ പ്രദീപിന് വിവരം ലഭിക്കുകയായിരുന്നു. തുടർന്ന് നടത്തിയ പരിശോധനയിലാണ് മദ്യം പിടിച്ചെടുത്തത്.എസ്ഐ നിതിൻ നളൻ, വിഷ്ണു, ഷാജി, സിപിഒമാരായ ശംഭു, ഹരീഷ് എന്നിവരാണ് സുധീറിനെ പിടികൂിടിയത്. ബിവറേജസ് മദ്യഷാപ്പിൽ നിന്ന് പല സമയങ്ങളിലായി മദ്യം വാങ്ങി ശേഖരിച്ച് ഡ്രൈഡേയിൽ വലിയ വിലയ്ക്ക് വിൽക്കുകയായിരുന്നു.
ഡ്രൈ ഡേയിൽ മദ്യ വിൽപ്പന; 20 ലിറ്റർ വിദേശമദ്യവുമായി ഒരാൾ പിടിയിൽ
