തിരുവനന്തപുരം: വിജിലൻസിൻ്റെ മിന്നൽ പരിശോധനയിൽ കെഎസ്ഇബിയിൽ കണ്ടെത്തിയത് വ്യാപക അഴിമതി. ‘ഓപ്പറേഷൻ ഷോർട്ട് സർക്യൂട്ട്’ എന്ന പേരിലാണ് വിജിലൻസിന്റെ മിന്നൽ പരിശോധന. വിജിലൻസിന്റെ പരിശോധനയിൽ വ്യാപക അഴിമതിയും ക്രമക്കേടുമാണ് കെഎസ്ഇബിയിൽ കണ്ടെത്തിയത്.
41 ഉദ്യോഗസ്ഥർ കൈക്കൂലി വാങ്ങിയതായി കണ്ടെത്തിയിട്ടുണ്ട്. 16.50 ലക്ഷം രൂപയാണ് കൈക്കൂലി വാങ്ങിയത്. ഓവർസീയറുടെ അക്കൗണ്ടിലേക്ക് 1.67 ലക്ഷം വന്നത് കട നടത്തുന്നയാളിൽ നിന്നാണെന്ന് കണ്ടെത്തി. തിരുവനന്തപുരത്തെ സബ് എഞ്ചിനീയർ കൈക്കൂലി വാങ്ങിയത് ഗൂഗിൾ പേ വഴിയാണെന്നും കണ്ടെത്തിയിട്ടുണ്ട്.കരാറുകൾ നൽകുന്നത് നടപടിക്രമങ്ങൾ പാലിക്കാതെയാണെന്നും കരാറടിസ്ഥാനത്തിലുള്ള വാഹനങ്ങളുടെ ഉപയോഗത്തിലും ക്രമക്കേടുണ്ടെന്നും വിജിലൻസ് കണ്ടെത്തിയിട്ടുണ്ട്. ബിനാമികളെ വെച്ച് കരാറുകാർ തന്നെ വർക്കുകൾ ചെയ്യുന്നു. ഉദ്യോഗസ്ഥരുടെയും കുടുംബാംഗങ്ങളുടെയും ബാങ്ക് അക്കൗണ്ടുകൾ പരിശോധിക്കാൻ തീരുമാനിച്ചിരിക്കുകയാണ് വിജിലൻസ്.
41 ഉദ്യോഗസ്ഥർ കൈക്കൂലി വാങ്ങി, പണം കൈപ്പറ്റിയത് ഗൂഗിൾ പേ വഴി; കെഎസ്ഇബിയിൽ വിജിലൻസിൻ്റെ മിന്നൽ പരിശോധന
