സംസ്ഥാനത്തെ വൈദ്യുതി ഉപഭോക്താക്കള്ക്ക് കെഎസ്ഇബിയുടെ ആശ്വാസം. ഡിസംബറിലെ കറണ്ട് ബില്ലില് ഇന്ധന സര്ചാര്ജ് ഗണ്യമായി കുറയുമെന്ന് കെഎസ്ഇബി. സെപ്റ്റംബര്- നവംബര് കാലയളവില് യൂണിറ്റിന് 10 പൈസ വരെ ഈടാക്കിയിരുന്ന സര്ചാര്ജ് കുറച്ചതായി കെഎസ്ഇബി അറിയിച്ചു. പ്രതിമാസ ബില് ലഭിക്കുന്നവര്ക്ക് യൂണിറ്റിന് 5 പൈസയും രണ്ട് മാസത്തില് ഒരിക്കല് ബില് ലഭിക്കുന്നവര്ക്ക് 8 പൈസയുമായി ഇന്ധന സര്ചാര്ജ് കുറയുമെന്നു കെഎസ്ഇബി അറിയിച്ചു. സര്ചാര്ജ് പരിധി എടുത്തു കളഞ്ഞതോടെ സര്ചാര്ജ് ഉയരുമെന്ന് റിപ്പോര്ട്ടുകളുണ്ടായിരുന്നു. ഇതു മുന്നിര്ത്തി വൈദ്യുതി മന്ത്രിയുടെ ഓഫീസാണ് പുതിയ അറിയിപ്പ് പുറത്തിറക്കിയത്. മന്ത്രിയുടെ കുറിപ്പ് ഇന്ധനസര്ചാര്ജ് കുറച്ചു. വൈദ്യുതി ബില്ലില് ആശ്വാസം! ഡിസംബറിലെ വൈദ്യുതി ബില്ലില് ഇന്ധന സര്ചാര്ജ് കുറയും. പ്രതിമാസം ബില് ലഭിക്കുന്ന ഉപഭോക്താക്കള്ക്ക് യൂണിറ്റിന് 5 പൈസയായും
രണ്ടുമാസത്തിലൊരിക്കല് ബില് ലഭിക്കുന്ന ഉപഭോക്താക്കള്ക്ക് യൂണിറ്റിന് 8 പൈസയായും ഇന്ധന സര്ചാര്ജ് കുറയും. സെപ്റ്റംബര് മുതല് നവംബര് വരെ യൂണിറ്റിന് 10 പൈസയായിരുന്നു ഇന്ധന സര്ചാര്ജ്.
