ജയ്പൂർ: കണ്ണൂർ, പയ്യന്നൂർ, ഏറ്റുകുടുക്കയിൽ ജോലി സമ്മർദ്ദം കാരണം ബി എൽ ഒ ആയ അനീഷ് ജോർജ്ജ് കെട്ടുത്തൂങ്ങി ജീവനൊടുക്കിയതിനു പിന്നാലെ രാജസ്ഥാനിലും ആത്മഹത്യ. ജയ്പൂർ സഹ്രികാ ബാസിലെ സർക്കാർ പ്രൈമറി സ്കൂളിലെ അധ്യാപകനും ബി എൽ ഒയുമായ മുകേഷ് ജംഗിദ് (45)ആണ് ട്രെയിനിനു മുന്നിൽ ചാടി മരിച്ചത്. ബിന്ദയാക റെയിൽവെ സ്റ്റേഷനു സമീപത്താണ് സംഭവം. എസ് ഐ ആർ ജോലികൾ കാരണം മുകേഷ് കടുത്ത സമ്മർദ്ദത്തിലായിരുന്നുവെന്നു പറയുന്നു. സൂപ്പർവൈസർ സമ്മർദ്ദം ചെലുത്തുന്നുണ്ടെന്നും സസ്പെൻഷൻ ഭീഷണി ഉണ്ടെന്നും എഴുതിയ കുറിപ്പ് കണ്ടെത്തിയതായി സഹോദരൻ ഗജാനന്ദ് പറഞ്ഞു.
എസ് ഐ ആർ: കണ്ണൂരിനു പിന്നാലെ രാജസ്ഥാനിലും ബി എൽ ഒയുടെ ആത്മഹത്യ
