Latest News

കൊച്ചി: അങ്കമാലിയിൽ ആറുമാസം പ്രായമുള്ള കുഞ്ഞിനെ കൊലപ്പെടുത്തിയ കേസിൽ അമ്മൂമ്മ റോസ്‌ലിയുടെ അറസ്റ്റ് രേഖപ്പെടുത്തി. അങ്കമാലി പൊലീസ് ആണ് അറസ്റ്റ് രേഖപ്പെടുത്തിയത്. റോസ്‌ലി ചികിത്സയിൽ കഴിയുന്ന ആശുപത്രിയിലെത്തിയാണ് പൊലീസ് അറസ്റ്റ് രേഖപ്പെടുത്തിയത്. കഴിഞ്ഞ ദിവസം കസ്റ്റഡിയിലെടുത്തിയതിന് ശേഷം അസ്വസ്ഥത പ്രകടിപ്പിച്ചതിന് പിന്നാലെ റോസ്ലിയെ ആശുപത്രിയിൽ പ്രവേശിപ്പിച്ചിരുന്നു. റോസ്ലിയെ ഇന്ന് കോടതിയിൽ ഹാജരാക്കുമെന്ന് പൊലീസ് അറിയിച്ചു. അമ്മൂമ്മയാണ് കുഞ്ഞിനെ കഴുത്തറത്ത് കൊലപ്പെടുത്തിയതെന്ന് കഴിഞ്ഞ ദിവസം തന്നെ വ്യക്തമായിരുന്നു. കൊലയ്ക്ക് ഉപയോഗിച്ച കത്തിയും പൊലീസ് വീട്ടിൽ നിന്ന് കണ്ടെത്തിയിരുന്നു. റോസ്‌ലിക്കെതിരായ […]

രാജപുരം: വായ്പ നൽകിയ പണം തിരികെ ചോദിച്ചതിന് യുവാവിനെ വീട്ടിൽ കയറി ആകമിച്ചു. പരാതിയിൽ മൂന്ന് പേർക്കെതിരെ പോലീസ് കേസെടുത്തു. പനത്തടി ചെമ്പേരിയിലെടി.എസ്‌.റമീസിൻ്റെ (26) പരാതിയിലാണ് പാണത്തൂരിലെ അർജുൻ (30),ഉമേഷ് (28), എന്നിവർക്കും കണ്ടാലറിയാവുന്ന മറ്റൊരാൾക്കുമെതിരെ പോലീസ് കേസടുത്തത്. ഇക്കഴിഞ്ഞ ഒക്ടോബർ 5 ന് രാത്രി 10 മണിക്ക് ചെമ്പേരിയിലെ പരാതിക്കാരന്റ് വീട്ടിൽ അതിക്രമിച്ച് കയറിയ പ്രതികൾ പണം തിരികെ ചോദിച്ച വിരോധത്തിൽ കയ്യിൽ കരുതിയ വടികൾ കൊണ്ട് അടിച്ചു പരിക്കേൽപ്പിച്ചു വെന്ന് പരാതിയിലാണ് കേസെടുത്തത്.

പരിയാരം: കാണാതായ 17 കാരനെ കണ്ടെത്താൻ പോലീസ് അന്വേഷണം ഊർജിതമാക്കി. പാണപ്പുഴ വില്ലേജിൽ എടക്കോം കണാരംവയൽ സ്വദേശി ജനീഷിൻ്റെ മകൻ ജ്യോതിഷ് ജനീഷ് എന്ന യദുവിനെയാണ് കാണാതായത്. സപ്തംബർ 25 ന് വീട്ടിൽ നിന്നും പോയ ജ്യോതിഷ് നാളിതുവരെ തിരിച്ചെത്തിയില്ലെന്നാണ് പരാതി. പരിയാരം മെഡിക്കൽ കോളേജ് പോലീസ് സ്റ്റേഷനിൽ കേസ് റജിസ്റ്റർ ചെയ്ത് അന്വേഷണം നടത്തിവരികയാണ്. ഇരുനിറവും ഒത്ത ശരീരവുമുള്ള ഇയാളെക്കുറിച്ച് എന്തെങ്കിലും വിവരം ലഭിക്കുന്നവർ പരിയാരം പോലീസ് സ്റ്റേഷനിൽ(ഫോൺ- 04972808100) വിവരം അറിയിക്കണമെന്ന് പോലീസ് അറിയിച്ചു.

കൊച്ചി: വേടന് പോലും അവാർഡ് നൽകിയെന്ന സാംസ്‌കാരിക വകുപ്പ് മന്ത്രി സജി ചെറിയാൻ്റെ വാക്കുകൾ അപമാനിക്കുന്നതിന് തുല്ല്യമെന്ന് വേടൻ. അതിന് പാട്ടിലൂടെ മറുപടി നൽകുമെന്നും അക്കാര്യത്തിൽ കൂടുതൽ പ്രതികരണത്തിനില്ലെന്നും വേടൻ പറഞ്ഞു. സംസ്ഥാന ചലച്ചിത്ര അവാർഡിനെക്കുറിച്ചുള്ള ചോദ്യത്തോടായിരുന്നു വേടനെപ്പോലും തങ്ങൾ അവാർഡിനായി സ്വീകരിച്ചുവെന്ന മന്ത്രിയുടെ പരാമർശം. തനിക്ക് അവാർഡ് നൽകിയതിനെ വിമർശിക്കുന്നവരോട് ഒന്നും പറയാനില്ല. അവാർഡ് വലിയ അംഗീകാരമായി കാണുന്നു. രാഷ്ട്രീയ പിന്തുണയുടെ ഭാഗമായല്ല പുരസ്‌കാരം. താൻ ഒരു രാഷ്ട്രീയപാർട്ടിയിലും അംഗമല്ലെന്നും വേടൻ പറഞ്ഞു. തുടർച്ചയായ കേസുകൾ

തൃശൂർ: സഹോദരിമാരായ പെൺകുട്ടികളെ ലൈംഗികമായി പീഡിപ്പിച്ച യുവാവിന് 82 വർഷം കഠിന തടവ്. കുന്നംകുളം പോക്സോ കോടതിയാണ് ശിക്ഷ വിധിച്ചത്. പ്രതി മൂന്നര ലക്ഷം രൂപ പിഴയും അടയ്ക്കണം. പിഴ തുക അതിജീവിതകൾക്ക് നൽകണം. വടക്കേക്കാട് സ്വദേശിയായ കുട്ടികളുടെ ബന്ധുവായ 39കാരനെയാണ് കുന്നംകുളം പോക്സോ കോടതി ജഡ്‌ജ്‌ എസ് ലിഷ ശിക്ഷിച്ചത്.2024 ജൂലൈ മാസത്തിലാണ് പ്രതി പെൺകുട്ടികളെ പീഡിപ്പിച്ചത്. വിവരമറിഞ്ഞ സ്കൂ‌ൾ ടീച്ചറുടെ നിർദേശ പ്രകാരം പെൺകുട്ടികളുടെ മാതാവ് വടക്കേക്കാട് പൊലീസ് സ്റ്റേഷനിൽ പരാതി നൽകി. സിപിഒ

മഞ്ചേശ്വരം :സംസ്ഥാന ഇൻക്ലൂസീവ് കായിക മേളയിൽ പങ്കെടുത്തു മികച്ച വിജയം കരസ്തമാക്കിയ മഞ്ചേശ്വരത്തിന്റ കായിക പ്രതിഭകൾക്കും പരിശീലകർക്കും മഞ്ചേശ്വരം ബി. ആർ. സി.നൽകിയ അനുമോദന ചടങ്ങു MLA ശ്രീ. AKM അഷ്‌റഫ്‌ ഉദ്ഘാടനം നിർവഹിച്ചു.ചടങ്ങിൽ സമഗ്ര ശിക്ഷാ കേരള കാസർഗോഡ് ജില്ല പ്രൊജക്റ്റ്‌ കോഓ ർഡിനേറ്റർ ശ്രീ. ബിജുരാജ് അധ്യക്ഷസ്ഥാനം അലങ്കരിച്ചു. മംഗല്പാടി പഞ്ചായത്ത് പ്രസിഡന്റ്‌. ശ്രീമതി. റുബീന നൗഫൽ, എഡ്യൂക്കേഷൻ സ്റ്റാൻഡിങ് കമ്മിറ്റി ചെയർ പേഴ്സൺ ശ്രീമതി. ഇർഫാന ഇക്ബാൽ, ബി. പി. സി. സുമാദേവി,വാർഡ്

കണ്ണൂർ: സ്ത്രീകൾക്കെതിരെ അതിക്രമം കൂടിയതോടെ വീണ്ടും വടിയെടുക്കുകയാണ് ഇന്ത്യൻ റെയിൽവേ. മദ്യപാനികളെ പിടിക്കാൻ ബ്രെത്തലൈസർ പരിശോധനയുമായാണ് കണ്ണൂർ റെയിൽവേ സ്റ്റേഷൻ അധികൃതർ രംഗത്തുവന്നത്. മദ്യം കഴിച്ചെന്ന് തെളിഞ്ഞാൽ യാത്ര വിലക്കാനാണ് തീരുമാനം. വൈകുന്നേരം സമയം അഞ്ചു മണി. റെയിൽവെ സ്റ്റേഷൻ നിറയെ യാത്രക്കാർ. മദ്യം കഴിച്ച് ആളുകൾ ട്രെയിനിൽ കയറുന്നത് കൂടുതലും വൈകുന്നേരം മുതലാണ്. സംശയം തോന്നുന്നവരെയൊക്കെ ഊതിച്ചിട്ടേ വിടൂ.. കവാടത്തിലും പ്ലാറ്റ്ഫോമിലും, ട്രെയിനിനുള്ളിലുമെല്ലാം പരിശോധന.മദ്യപാനിയെ യാത്ര ചെയ്യാൻ അനുവദിച്ചാൽ മറ്റു യാത്രക്കാർക്ക് പ്രശ്‌നമാകാൻ സാധ്യതയുണ്ടെങ്കിൽ യാത്ര

ചവറ ചവറ ശാസ്താംകോട്ട പാതയിൽ സ്വകാര്യ ബസ് സ്കൂട്ടറിൽ ഇടിച്ച് യാത്രക്കാരന് ദാരുണാന്ത്യം. തേവലക്കര മുള്ളിക്കാല സ്വദേശി അബ്‌ദുൽ മുത്തലിഫ് (64) ആണ് മരിച്ചത്. ഇന്ന് രാവിലെ 8.13ന് പടപ്പനാൽ കല്ലുംപുറത്ത് ജംക്‌ഷനിലാണ് അപകടം. ശാസ്താംകോട്ട ഭാഗത്തേക്ക് പോവുകയായിരുന്നു ഇരുവാഹനങ്ങളും. അമിത വേഗത്തിൽ മറികടക്കുന്നതിനിടെ ബസ് സ്കൂട്ടറിൽ തട്ടുകയായിരുന്നു. ബസിനടിയിലേക്കു തെറിച്ചുവീണ അബ്ദുൽ മുത്തലിഫിൻ്റെ ദേഹത്ത് പിൻചക്രം കയറിയിറങ്ങി. ഏഴ് മിനിറ്റോളം റോഡിൽ കിടന്ന ഇദ്ദേഹത്തെ ആശുപ്രതിയിൽ എത്തിച്ചെങ്കിലും മരിച്ചു. സ്‌കൂട്ടർ ഓടിച്ചിരുന്ന തേവലക്കര മുള്ളിക്കാല സ്വദേശി

കണ്ണൂർ: കണ്ണൂരിൽ മൂന്ന് മാസം പ്രായമുള്ള കുഞ്ഞിൻ്റെ കൊലപാതകത്തിൽ അമ്മ അറസ്റ്റിൽ. കുറുമാത്തൂർ പൊക്കുണ്ടിലെ മുബഷീറയുടെ അറസ്റ്റ് രേഖപ്പെടുത്തി. കുഞ്ഞിനെ കിണറ്റിൽ എറിഞ്ഞതാണെന്ന് മുബഷീറ മൊഴി നൽകിയിരുന്നു. കുളിപ്പിക്കുന്നതിനായി കിണറിൻറെ ഭാഗത്ത് കൊണ്ടുപോയപ്പോൾ കുഞ്ഞ് വഴുതി അബദ്ധത്തിൽ കിണറ്റിൽ വീണു എന്നായിരുന്നു അമ്മ ആദ്യം നാട്ടുകാരോടും പിന്നീട് പൊലീസിനോടും പറഞ്ഞത്. വിശദമായ ചോദ്യം ചെയ്യലിലായിരുന്നു കുഞ്ഞിനെ കൊലപ്പെടുത്തിയതാണെന്ന് അമ്മ മൊഴി നൽകിയത്. തുടക്കം മുതൽ പൊലീസിന് സംശയങ്ങളുണ്ടായിരുന്നു. അതിന് പ്രധാന കാരണം കിണറിന് ഗ്രില്ലിട്ടിരുന്നു എന്നതായിരുന്നു. മാത്രവുമല്ല

തളിപ്പറമ്പ്: കൊയിലാണ്ടി ബപ്പൻങ്ങാട് ട്രെയിനിൽ നിന്ന് വീണ് യുവാവ് മരിച്ചു. കണ്ണൂർ തളിപ്പറമ്പ് സ്വദേശി ആണ് മരിച്ചത്. വടക്കഞ്ചേരി വളപ്പിൽപാടം പുഴക്കൽപറമ്പ് രാമസ്വാമിയുടെ മകൻ മഹേഷ് ആണ് മരിച്ചത്. മുപ്പത്തിയൊന്ന് വയസായിരുന്നു. മംഗള ലക്ഷദ്വീപ് എക്സ്പ്രസിൽ നിന്നാണ് വീണത്.പാലക്കാട് നെമ്മാറയിൽ നിന്നും സഹോദരിയുടെ വീടായ കണ്ണൂർ തളിപ്പറമ്പിലേക്ക് പോകുകയായിരുന്നു ഇവർ. ഇയാൾക്കൊപ്പം അച്ഛനും അമ്മയും ഉണ്ടായിരുന്നു. കണ്ണൂർ ഭാഗത്തേക്ക് പോകുകയായിരുന്ന ട്രെയിനിൽ നിന്നും കൊയിലാണ്ടി ബപ്പൻങ്ങാട് ഭാഗത്തേക്ക് തെറിച്ചുവീഴുകയായിരുന്നു. മൃതദേഹം കൊയിലാണ്ടി താലൂക്ക് ആശുപത്രിയിലേക്കും ഇവിടെ നിന്നും